Kaspi.kz ديرەكتورلار كەڭەسىنىڭ توراعاسى جانە نەگىزىن قالاۋشىلاردىڭ ءبىرى ۆياچەسلاۆ كيم:
«باسپاناسىز قالعان ادامدار ءۇشىن بۇكىل ەلىمىزبەن بىرگە ۋايىمدايمىز. مىڭداعان وتباسى كوشىرىلدى, ولار ءوز ۇيلەرىنە قاشان ورالاتىنى بەلگىسىز. كەيبىر ەلدى مەكەندەردە سۋ ءالى دە كوتەرىلىپ جاتىر. بۇل اپات ەشكىمدى بەيجاي قالدىرمايدى. مەملەكەت, بيزنەس جانە ءبىزدىڭ ازاماتتار زارداپ شەككەن ايماقتارداعى ادامداردىڭ ءومىرىن قالپىنا كەلتىرۋ ءۇشىن بارىن سالىپ جاتىر. ءبىز مەملەكەت باسشىسىنىڭ زارداپ شەككەندەرگە كومەك كورسەتۋ تۋرالى شاقىرۋىنا قولداۋ كورسەتىپ, سۋ تاسقىنىنىڭ سالدارىن جويۋعا 20 ميلليارد تەڭگە باعىتتايمىز».
Kaspi.kz باسقارما توراعاسى جانە نەگىزىن قالاۋشىلاردىڭ ءبىرى ميحايل لومتادزە:
«زارداپ شەككەن ايماقتاردا ءبىزدىڭ سۇيىكتى كليەنتتەرىمىز, سەرىكتەستەرىمىز, قىزمەتكەرلەرىمىز تۇرادى. ءبىز سۋ تاسقىنىنىڭ العاشقى كۇندەرىنەن باستاپ ولارمەن ۇنەمى بايلانىستامىز جانە جاعدايدى جاقسى بىلەمىز. ءبىز بىردەن Kaspi.kz ءموبيلدى قوسىمشاسىندا قايىرىمدىلىق كومەگىن جيناۋدى ۇيىمداستىردىق جانە Biz Birgemiz Qazaqstan قورىنا قۇتقارۋ تەحنيكاسىن, جابدىقتار امۋنيتسياسىن, جانارماي جانە باسقا دا العاشقى كومەككە قاجەتتى زاتتاردى ساتىپ الۋعا قاراجات اۋداردىق. وكىنىشكە قاراي, بىرقاتار ايماقتاردا جاعداي ءالى دە كۇردەلى. ءبىز پرەزيدەنتتىڭ باستاماسىن قولداۋ جانە وسىناۋ قيىن ساتتە ەلگە پايدالى بولۋ - ازاماتتىق بورىشىمىز دەپ ەسەپتەيمىز».
ايتا كەتەيىك, ناۋرىز ايىنىڭ سوڭىندا Kaspi كومانداسى Kaspi.kz قوسىمشاسىندا ونلاين-قىزمەت ۇيىمداستىردى. ونىڭ كومەگىمەن جاعدايعا بەي-جاي قارامايتىن ءاربىر قازاقستان ازاماتى زارداپ شەككەندەرگە كومەكتەسۋ ءۇشىن Biz Birgemiz Qazaqstan قورىنا قاراجات اۋدارا الادى.
Kaspi.kz كومپانياسىنىڭ ءوزى جولداردى جوندەۋگە, قۇتقارۋ تىكۇشاقتارىنىڭ جۇمىسىن قامتاماسىز ەتۋگە, گەنەراتورلاردى, سورعىلاردى, ۇرلەمەلى قايىقتاردى جانە ءدارى-دارمەكتەردى ساتىپ الۋعا 620 ملن تەڭگە باعىتتادى. سونداي-اق وتكەن اپتادا ۆياچەسلاۆ كيم اقمولا وبلىسىندا 5 قاباتتى تۇرعىن ءۇي قۇرىلىسىنىڭ جوباسىن قارجىلاندىرىپ, زارداپ شەككەن ەلدى مەكەندەردىڭ ينفراقۇرىلىمىن قالپىنا كەلتىرۋگە قاراجات بولگەنىن ايتا كەتۋ كەرەك.
