فوتو: jambylinfo.kz
ەلىمىزدىڭ جەتى وڭىرىندەگى قارعىن سۋدان زارداپ شەككەن اعايىنعا قولداۋ ءبىلدىرۋ ماقساتىندا جامبىل وبلىسىنان گۋمانيتارلىق جۇك ارتقان 17 جۇك كولىگى جولعا شىقتى. دەرەككە جۇگىنسەك, ءار كولىك 20 توننادان جۇك ارتقان ەكەن. جۇك كولىكتەرىنە كيىم-كەشەك, ازىق-ت ۇلىكتەن باستاپ, وزگە دە ەڭ قاجەتتى زاتتار تيەلگەن. بۇل – ءوڭىر تۇرعىندارىنىڭ كومەگى.
«قارعىن سۋدان زارداپ شەككەن وڭىرلەرگە جامبىلدىقتار تاراپىنان كورسەتىلەتىن گۋمانيتارلىق كومەكتى جىبەرۋدى جالعاستىرىپ جاتىرمىز. مۇنداي قيىن-قىستاۋ كەزەڭدە ءبىر جەڭنەن قول, ءبىر جاعادان باس شىعارۋدىڭ ماڭىزدى ەكەنى تۇسىنىكتى. ەلدىك ماسەلەنى ءوڭىر باسشىسى ەربول قاراشوكەەۆ تىكەلەي ءوز باقىلاۋىنا الىپ وتىر. گۋمانيتارلىق كومەك ساناتىنا ازىق-ت ۇلىك تاۋارلارى, كيىم-كەشەك جانە وزگە اسا قاجەتتى زاتتار ەنگەن. شالعايداعى اعايىنعا قيىن كۇندەردە قولداۋ كورسەتۋگە نيەت ءبىلدىرىپ وتىرعان ءاربىر ازاماتقا العىستان باسقا ايتارىمىز جوق. بۇل – سۋ تاسقىنىنان زارداپ شەككەن وڭىرلەردەگى تۇرعىندارعا جولداعان جامبىل وبلىسى حالقىنىڭ گۋمانيتارلىق كومەگى. وبلىس اكىمدىگى جۇك كولىكتەرىنىڭ شىعىنىن موينىنا الىپ, ۇيىمداستىرۋ جۇمىستارىنا عانا اتسالىسىپ وتىرعانىن ايتا كەتكەن ءجون», دەيدى ءوڭىر باسشىسىنىڭ ورىنباسارى ءابىلحايىر تامابەك.
ءا.تامابەكتىڭ ايتۋىنشا, گۋمانيتارلىق كومەك مەجەلەنگەن ۋاقىتتا اقمولا, سولتۇستىك قازاقستان, قوستاناي, اقتوبە, باتىس قازاقستان, قاراعاندى وبلىستارىنا جەتكىزىلمەك.
«جۇك كولىكتەرىنىڭ قاۋىپسىزدىگىن مەملەكەتتىك اۆتوينسپەكتورلار قاداعالايدى. گۋمانيتارلىق كومەكتى ءبىرىنشى كەزەكتە ءوڭىر حالقىنىڭ سىن ساعاتتاعى قولداۋى مەن جاناشىرلىعى دەپ تۇسىنگەن ءلازىم», دەيدى ءا.تامابەك.
ءوڭىر تۇرعىندارى سۋ تاسقىنىنان زارداپ شەككەن وڭىرلەرگە قولداۋ كورسەتۋ ماقساتىندا ءالى دە بولسا جۇدىرىقتاي جۇمىلىپ, ءبىراز ءىستى تىندىراتىن سەكىلدى. ويتكەنى بۇل جۇمىسقا ەرىكتىلەر دە كىرىسىپ كەتكەنىن كورىپ وتىرمىز. بۇعان دەيىن اۋليەاتالىق ۆولونتەرلەردەن قۇرالعان توپ گۋمانيتارلىق كومەكتى اقتوبە قالاسىنا جەتكىزىپ بەرگەن ەدى.
جامبىل وبلىسى
