فوتو: اشىق دەرەككوز
«سەرگەەۆ سۋ قويماسىنىڭ تولۋى 168 پايىزدى قۇرايدى. سۋ پلوتينا ەرنەۋىنەن 3,5 مەتر اسىپ-توگىلىپ جاتىر. تومەندەۋ بايقالعانىمەن, بۇل جالپى جاعدايعا اسەر ەتپەيدى. ياعني, سۋ قىزىلجار اۋدانى مەن پەتروپاۆل قالاسىنا بارىپ جاتىر. ەسىل اۋدانىندا 112 ءۇي سۋ استىندا قالعان. 1 839 ادام ەۆاكۋاتسيالاندى. وتكەن تاۋلىكتە پەتروپاۆل قالاسىنىڭ ەكى اۋدانىندا 135 ءۇيدى سۋ باستى. حالىق ەۆاكۋاتسيالانىپ جاتىر», دەدى ول.
«ەسىل وزەنىنىڭ تاسۋى سالدارىنان زارداپ شەككەن ادامدار پەتروپاۆل قالاسى مەن اۋدان ورتالىقتارىنداعى 19 ەۆاكۋاتسيالىق پۋنكتكە ورنالاستىرىلدى», دەپ قوستى سپيكەر.
جالپى, وبلىس بويىنشا 3670 ادام ەۆاكۋاتسيالانعان, ونىڭ ىشىندە 1123 بالا. 44 ادام ۇيلەرىنە ورالعان.
