فوتو: senate.parlam.kz
سەناتوردىڭ ايتۋىنشا, «بايقوڭىر» عارىش ايلاعى – قازاقستاننىڭ ماڭىزدى عارىش رەسۋرسى, الايدا اەروعارىش ونەركاسىبىندەگى كۇردەلى جاعدايعا بايلانىستى ونىڭ دامۋىنا قاۋىپ ءتونىپ تۇر. عارىش سالاسىن دامىتۋ پروبلەمالارىن شەشۋ قازاقستان ۇكىمەتىنىڭ باستى مىندەتى بولۋى ءتيىس. عارىش سالاسىن دامىتۋدىڭ مەملەكەتتىك باعدارلامالارى 2014 جىلدان كەيىن جالعاسىن تاپپاعان. سوندىقتان اتالعان سالاداعى مەملەكەتتىك ساياساتتى قايتا قاراۋ جانە ۇزاق مەرزىمدى دامۋ تۇجىرىمداماسىن ازىرلەۋ كەرەك.
«عارىش سالاسىن قارجىلاندىرۋدىڭ ءادىس-تاسىلدەرىن قايتا قاراۋ قاجەت. 2025 جىلعا وسى جوبالار بويىنشا بيۋدجەتتە كوزدەلگەن قارجى بولماعاندىقتان عىلىمي-زەرتتەۋ جانە تاجىريبەلىك-كونسترۋكتورلىق جۇمىستا بۇرىن باستالعان جوبالاردىڭ اياقتالماي قالۋ قاۋپى بار. بىرەگەي قۇراستىرۋ-سىناۋ كەشەنىن جىل سايىن كۇتىپ-ۇستاۋعا قاجەتتى قارجى بولىنبەي قالعان. قارجىلاندىرۋدىڭ جەتكىلىكسىزدىگى KazSat توبىن ودان ءارى دامىتۋ جونىندەگى ناقتى ستراتەگيانى ايقىنداۋعا مۇمكىندىك بەرمەيدى. شۇعىل شارالار قابىلدانباسا, KazSat-3R سپۋتنيگىن عارىشقا شىعارۋ توقتاتىلادى», دەدى عالياسقار سارىباەۆ.
سەناتور سوڭعى جىلدارى ءبىزدىڭ عارىش ايلاعىمىزعا سۇرانىس تومەندەپ بارا جاتقانىن, سوندىقتان قازاقستان «سويۋز-5» جاڭا زىمىران تاسىعىشىن پايدالانا وتىرىپ «بايتەرەك» جوباسىن ىسكە اسىرۋدى باستاعانىن اتاپ ءوتتى.
«الايدا, گەوساياسي جاعدايعا بايلانىستى جوبا قازىرگى ۋاقىتتا ۇزىلىسكە دۋشار بولدى. بايقوڭىر عارىش ايلاعىنىڭ بەلسەندىلىگىن ساقتاۋ ءۇشىن جاڭا جۇمىس ورىندارىن اشۋ جانە مامانداردىڭ قۇزىرەتىن ارتتىرۋ, سونداي-اق باسقا دا بىرەگەي زىمىران كەشەندەرى مەن عارىش ينفراقۇرىلىمىن پايدالانۋ جانە «بايتەرەك» جوباسىن ىسكە اسىرۋدى جالعاستىرۋ قاجەت», دەپ تۇيىندەدى سەنات دەپۋتاتى.
