فوتو: ەرتاي سارباسوۆ
بۇگىندە قازاقستاندا 25 مىڭنان استام عالىم بار. ولاردىڭ 43-ءى قوستاناي وبلىسىنىڭ ارقالىق قالاسىندا جۇمىس ىستەيدى. وڭىردەگى عالىمدارىنىڭ ورتا جاسى - 48, ولاردىڭ 72%-ى - ايەلدەر. بۇل تۋرالى ى.التىنسارين اتىنداعى ارقالىق پەداگوگيكالىق ينستيتۋتىنىڭ رەكتورى ەرجان امىربەك ۇلى جەلىدە جازبا قالدىردى.
ارقالىقتا جۇمىس ىستەيتىن 43 عالىمنىڭ سوڭعى 3 جىل ىشىندە جۇرگىزگەن عىلىمي زەرتتەۋلەرىنەن 112 ميلليون تەڭگە كولەمىندە تابىس تاپتى. بۇل ءبىر عالىمنىڭ ۇلەسى 3 ميلليون تەڭگەگە جۋىق ەكەنىن بىلدىرەدى.
ء«وڭىر عالىمدارى 3 وتاندىق جانە 1 حالىقارالىق جوباعا قاتىستى. ى.التىنسارين اتىنداعى ارقالىق پەداگوگيكالىق ينستيتۋتىنىڭ ارقالىق قالاسىنىڭ جالپى ىشكى ونىمىندەگى ۇلەسى 0,74%-عا جەتتى. سالىستىرمالى تۇردە, بۇل جاقسى كورسەتكىش. عىلىم جانە جوعارى ءبىلىم مينيسترلىگىنىڭ قولداۋىمەن ارقالىقتا ينكليۋزيۆتى ءبىلىم بەرۋدى جەتىلدىرۋ تەتىكتەرىن زەرتتەيتىن اكادەميالىق ارتىقشىلىق ورتالىعىن قۇرۋ جوسپارلانىپ وتىر», دەدى ەرجان امىربەك ۇلى.
جازباسىن قورىتىندىلاعان رەكتور قازاقستان عالىمدارىن كاسىبي مەرەكەلەرىمەن قۇتتىقتادى.
