«حالقىمىز تابيعاتتىڭ توسىن مىنەزى – كوكتەمگى سۋ تاسقىنىنا قارسى تۇرىپ, اۋىزبىرشىلىك تانىتىپ جاتىر. جۇرت بولىپ جۇمىلىپ, ەل بولىپ بىرىگىپ, الاپات تاسقىننىڭ بەتىن قايتارۋعا بار كۇشتەرىن سالىپ وتىر. سىندارلى ساتتە ەل پرەزيدەنتىنىڭ ماڭىنا توپتاسىپ, اۋىرتپالىقتى ەڭسەرۋدە ەلدىك پەن بىرلىكتىڭ ۇلگىسىن كورسەتىپ جاتىر. حالىقتىق ۇيىم – «AMANAT» پارتياسى دا العاشقى ساتتەن باستاپ سۋ باسقان ءوڭىر حالقىنىڭ جانىنان تابىلىپ, بار كومەگىن ۇسىندى. جاستار قاناتىنىڭ مىڭداعان ەرىكتىلەرى زارداپ شەككەندەردى كوشىرىسۋگە, قارعىن سۋعا قارسى بوگەت جاساۋعا, گۋمانيتارلىق كومەكتى ۇلەستىرۋگە ايانباي اتسالىسىپ ءجۇر. بۇگىنگى كۇنى پارتيامىزدىڭ ەل كولەمىندە بۇكىل قۇرىلىمدىق بولىمشەلەرى بىرىگىپ, سۋ باسۋدان زارداپ شەگىپ وتىرعان ءوڭىر تۇرعىندارىنا جالپى سوماسى 1,5 ميلليارد تەڭگەدەن استام سوماعا قارجىلاي جانە زاتتاي كومەك كورسەتتى. ەلىمىزدىڭ تۇكپىر-تۇكپىرىنەن قاجەتتى زاتتار مەن ازىق-ت ۇلىك تيەلگەن گۋمانيتارلىق كومەك كەرۋەندەرىن جونەلتتى. بۇل باعىتتاعى جۇمىستار ءالى دە جالعاسىن تابا بەرەدى», دەپ جازدى دەپۋتات.
ونىڭ ايتۋىنشا, ماجىلىستەگى فراكتسيا دەپۋتاتتارى دا سۋ باسۋدىڭ ءبىرىنشى كۇنىنەن باستاپ وڭىرلەرگە بارىپ, تۇرعىنداردىڭ ورتاسىندا ءجۇر.
«اۋىرتپالىققا ۇشىراعان اعايىننىڭ تالاپ-تىلەگىن قۇزىرلى ورگاندارعا تىكەلەي جەتكىزىپ, قاجەتتى رەسۋرستاردى جەدەل جۇمىلدىرۋعا ىقپال ەتىپ جاتىر. بىرقاتار ارىپتەسىمىز جەكە ءوز ەسەپتەرىنەن قوماقتى قارجىلاي, زاتتاي كومەكتەرىن تيگىزىپ جاتىر. دەپۋتاتتار اپاتتىڭ بەتى قايتقانشا سوندا بولادى. بەكەم بىرلىگىمىزدىڭ ارقاسىندا بۇل سىناقتان دا سۇرىنبەي وتەتىنىمىزگە سەنىمدىمىن. باستىسى – ەلىمىز امان, جۇرتىمىز تىنىش بولسىن. اۋىرتپالىقتار ارتتا قالسىن. بارشاڭىزعا اماندىق, باق-بەرەكە تىلەيمىن», دەپ جازدى ول.
