فوتو: atr.kz
اۋدان تۇرعىندارى وسىمەن التىنشى كۇن قاتارىنان قارعىن سۋمەن كۇرەسىپ جاتىر. وسى تۇستا قر پارلامەنتى ءماجىلىسىنىڭ دەپۋتاتى ءادىل جۇبانوۆ جەرگىلىكتى تۇرعىنداردىڭ جاعدايىنا الاڭداۋشىلىق ءبىلدىرىپ, جەلىدە جازبا قالدىردى.
«سۋ تاسقىنىنىڭ قاۋپى سەيىلگەنىمەن, سۋدىڭ بەتى قايتپاي حالىقتى ابىگەرگە سالىپ جاتىر. جىلىوي اۋدانىندا تاسقىن سۋدان قازا بولعان 2 ادامنىڭ دەنەسى تابىلدى. تاعى اكەلى-بالالى 2 ادام ىزدەستىرىلىپ جاتىر. باسپاناسىنا سۋ كىرىپ, شاراسىز كۇيدە جۇرگەن قۇلسارىلىقتار ءۇشىن بۇل وتە اۋىر جاعداي», دەپ جازدى دەپۋتات.
ءادىل جۇبانوۆ سۋ تاسقىنى سالدارىنان قازا تاپقان ازاماتتاردىڭ جاقىندارىنا كوڭىل ايتتى.
«تاسقىن سۋدىڭ سالدارىنان قازا تاپقانداردىڭ يمانى سالامات بولسىن! وتباسىلارى مەن تۋىستارىنا قايعىرا كوڭىل ايتامىن. قيىن ساتتە ەل بولىپ قولداۋ تانىتىپ, سۋ تاسقىنىنىڭ قاۋپى سەيىلسىن, تەزىرەك باسپانالارىنا ورالسىن دەپ تىلەيمىز! ءبىز ءماجىلىس قابىرعاسىندا زارداپ شەككەن ءار وتباسىعا بارلىق قاجەتتى كومەكتىڭ كورسەتىلۋىن, كەلتىرىلگەن ءاربىر شىعىننىڭ وتەلۋىن تالاپ ەتىپ, باقىلاۋدا ۇستايمىز. قۇلسارىلىقتارعا اللا اماندىعىن بەرسىن!», دەلىنگەن جازبادا.
