«مەملەكەت باسشىسى قاسىم-جومارت توقاەۆ بىزدە سوڭعى بىرنەشە ونجىلدىقتا مۇنداي كولەمدەگى سۋ تاسقىنى بولماعانىن اتاپ ءوتتى. سۋ تاسقىنىنا بايلانىستى 10 وبلىستا جەرگىلىكتى توتەنشە جاعداي جاريالاندى», دەپ ەسكە سالدى ا.مەرعاليەۆ.
جوعارعى سوت ورگانىنىڭ باسشىسى سوت اكىمشىلىگىنىڭ دەپارتامەنتتەرىنە سوت عيماراتتارىن سۋ باسۋىنان بارىنشا قورعاۋدى قامتاماسىز ەتۋ بويىنشا كەشەندى شارالار قابىلداۋدى تاپسىردى. ولاردىڭ قاتارىندا اكىمدىكتەر جانىنداعى جەدەل شتابتارمەن ۋاقىتىلى ءوزارا ءىس-قيمىل ورناتۋ, سوت ىستەرى مەن ماتەريالدارىن, قىزمەتتىك قۇجاتتامالاردى شۇعىل ەۆاكۋاتسيالاۋ ءۇشىن سۋ باسۋ قاۋپى جوعارى ايماقتاردا ارەكەت ەتۋ توپتارىن قۇرۋ جانە ت.ب. اتالدى.
وتىرىس بارىسىندا سۋ تاسقىنىنىڭ سالدارىن جويۋعا قاتىستى ىستەردىڭ ۆەدومستۆولىق سوتتىلىعى مەن سوتتىلىعى ماسەلەلەرى, سونداي-اق بىركەلكى سوت پراكتيكاسىن قامتاماسىز ەتۋ جايى تالقىلاندى.
ا.مەرعاليەۆ سوتتار جانە ءسا بولىمشەلەرى باسشىلىعىنىڭ نازارىن ازاماتتار اراسىندا تۋىندايتىن قۇقىقتىق ماسەلەلەر بويىنشا ءتۇسىندىرۋ جۇمىستارىن جۇرگىزۋ قاجەتتىگىنە اۋداردى.
