دارىگەر نەگە جەتكىلىكسىز؟

ەلىمىزدىڭ قاي قيىرىندا بول­سىن, دارىگەر تاپ­شىلىعى سەزى­لەتىنى جىلدار بويى ايتىلىپ ءجۇر. دارىگەرگە قولى جەتپەي, ابى­گەرگە تۇسكەندەردىڭ دە مۇڭى از ەمەس. كادر تاپشىلىعى ماسەلەسى جام­بىل وبلىسىن دا اينالىپ وتكەن ەمەس. الدىڭعى جىلدارى دارى­گەر تاپشىلىعى جۇزدەن اسىپ كەت­سە, كەيىنگى ۋاقىتتا ەداۋىر ازاي­عان كورىنەدى. ايتسە دە دەرەك­كە جۇگىنسەك, وڭىردە 80 دارىگەر جە­تىس­­پەيدى ەكەن. ەندى وسى ءبىر وتكىر ما­سە­­لەنى شەشۋدىڭ ماڭىزى زور ەكە­نىنە ەشكىمنىڭ تالاسى جوق شىعار.

ءبىرشاما ۋاقىت بۇرىن وتكەن ءباس­پاسوز ءماسليحاتىندا دەن­ساۋ­لىق ساقتاۋ باسقارماسىنىڭ باسشىسى جانار وسپانوۆا دارىگەر تاپ­شىلىعى ءالى دە سەزىلەتىنىن, بۇل ماسەلەنى رەتتەۋ بويىنشا ناقتى جۇمىستار اتقارىلىپ جاتقانىن تىلگە تيەك ەتتى.

– بۇگىندە وبلىستا دارىگەرلەر تاپ­شىلىعى 2022 جىلعى 106-دان ەسەپتى كەزەڭمەن سالىستىرعاندا 80 بىرلىككە (32 قالا, 48 اۋىل) تومەندەدى. جەرگىلىكتى اتقا­رۋ­شى ورگاننىڭ گرانتىمەن س.اسفەن­ديا­روۆ اتىنداعى قازاق ۇلتتىق مەديتسينا ۋنيۆەرسيتەتىندە جوعارى ءبىلىمى بار كادرلاردى دايارلاۋ ءۇشىن جالپى مەديتسينا مامان­دىعى بويىنشا 42 ستۋدەنت وقيتى­نىن ايتا كەتكەن ءجون بولار. وسى ۋنيۆەرسيتەتتە جەرگىلىكتى بيۋدجەت ەسەبىنەن وقۋ بىتىرگەننەن كەيىن جامبىل وبلىسىنىڭ مەم­لەكەتتىك مەديتسينالىق ۇيىم­دارىندا 5 جىل جۇمىس ىستەۋ مىن­دەتتەمەسىمەن 2022 جىلى 16 دارى­گەر جۇمىسقا كەلدى. 2023 جىلى 19 دارىگەر جۇ­مىسقا ورنالاستى, – دەيدى باس­قار­ما باسشىسى.

كەيىنگى دەرەككە جۇگىنسەك, كادر تاپشىلىعىن جويۋ بويىنشا بىرقاتار جۇمىس اتقارىلعان ەكەن. 13 جاس مامان تۇرعىن ۇي­مەن قامتاماسىز ەتىلسە, 149 دارى­گەرگە 800 مىڭ تەڭگە سوماسىندا كو­تەرمە جاردەماقى بەرىلىپتى. سونداي-اق بىرنەشە دارىگەرگە 1 500 ايلىق ەسەپتىك كورسەتكىشكە دەيىن بيۋدجەتتىك نەسيە بەرىلسە, 38 مامانعا 100 ايلىق ەسەپتىك كور­­سەتكىش كولەمىندە جاردەماقى بەرى­لىپتى. بۇعان قوسا 91 مامان رەزي­دەنتۋرادا وقيدى ەكەن. ءبىر قارا­عاندا قولداۋ كورسەتىلىپ-اق جاتىر.

ايتا بەرسەك, كادر تاپشى­لى­عىن جويۋ ماقساتىندا قولعا الىنعان جۇمىس از ەمەس. ايتسە دە, دارىگەرلەردىڭ ازدىعى ءالى دە بايقالىپ تۇر. 2022 جىلعى كور­سەتكىشپەن سالىستىرساق, دارى­گەر تاپشىلىعى 26 ادامعا ازا­يىپتى. ءبىر جىل ىشىندە كادر دە­في­تس­يتى 26 ادامعا ازايعانى كوڭىل كون­شىتە مە؟ ءدال وسىلاي كەتە بەر­سەك, قالعان 80 ماماندى تابۋعا تاعى بىرنەشە جىل قاجەت بولماي ما؟ وسى ساۋال ويلاندىرماي قوي­ماي­دى.

دەنساۋلىق ساقتاۋ باسقارماسى ءباسپاسوز قىزمەتىنىڭ جەتەكشىسى تولقىن ومىرباەۆانىڭ ايتۋىنشا, دارىگەر تاپشىلىعىن جويۋ بويىنشا بيىل دا ناقتى جۇمىستار قولعا الىنىپ جاتىر.

– وسى جىلى رەسپۋبليكالىق بيۋدجەتتەن 80 ورىنعا, جەرگىلىكتى بيۋدجەتتەن 77 ورىنعا گرانتقا ءوتىنىم بەرىلدى. ءتيىستى بيۋدجەت ەسە­بىنەن رەزيدەنتۋرانى بىتىرگەن ­30 دارىگەر – 2024 جىلى, 16 دارىگەر – 2025 جىلى, 10 دارىگەر 2026 جىلى جۇمىسقا كەلەدى دەگەن جوس­پار بار, – دەيدى ول.

دەرەككە سەنسەك, ءوڭىر مەديتسيناسى جالپى پراكتيكالىق دارىگەر, انەستەزيولوگ-رەانيموتولوگ, اكۋشەر-گينەكولوگ, وفتالموتولوگ سەكىلدى ماماندارعا ءالى دە بولسا, ءزارۋ كورىنەدى.

قالاي دەسەك تە, كادر تاپشى­لىعى ماسەلەسى مەديتسينا سالاسىندا ءالى دە وزەكتىلىگىن جويماي تۇر. باسى اۋىرىپ, بالتىرى سىز­داسا, دارىگەرگە جۇگىنەتىن جەر­گى­لىكتى حالىق تا ارا-تۇرا مامان تاپشىلىعىنىڭ كەرى اسەرىن سەزى­نەتىنى راس. قىسقاسى, بۇل پروب­لەما از كۇندە تولىققاندى شەشىمىن تابا قويۋى ەكىتالاي سەكىلدى. ەڭ باستىسى, اتقارىلىپ جاتقان جۇمىس ناتيجەلى بولسا دەيمىز.

جامبىل وبلىسى