زارداپ شەككەندەر كومەكسىز قالمايدى­

شتاب جۇمىسى اياسىندا پرەمەر-ءمي­نيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ تابيعي سي­پاتتاعى توتەنشە جاعدايلاردان زارداپ شەككەندەرگە كەلتىرىلگەن زياندى وتەۋگە قاراجات جەرگىلىكتى اتقارۋشى ورگاندار رەزەرۆىندە كوزدەلگەنىن باياندادى. زالالدىڭ الدىن الا مولشەرىن جاو (جەرگىلىكتى اتقارۋشى ورگان), ونەركاسىپ جانە قۇرىلىس, سونداي-اق توتەنشە جاعدايلار مينيسترلىكتەرى اي­قىندايدى. قوسىمشا قاجەتتىلىك تۋىن­داعان جاعدايدا قارجىلاندىرۋ ۇكىمەتتىڭ رەزەرۆىنەن قاراستىرىلادى.

ءىس-ارەكەت الگوريتمى:

1) ماتەريالدىق زارداپ شەككەندەر تج تۋىنداعان كۇننەن باستاپ كۇنتىزبەلىك 30 كۇن ىشىندە جاو-عا ماتەريالدىق زالالدى وتەۋ تۋرالى ءوتىنىش بەرەدى.

2) جاو ءوتىنىش تىركەلگەن كۇننەن باستاپ 10 جۇمىس كۇنى ىشىندە كەلتىرىلگەن زالالدىڭ مولشەرىن باعالاۋدى ۇيىمداستىرادى. تۇرعىن ءۇيى قاۋىپتى دەپ تانىلعان زارداپ شەككەن ازاماتتاردىڭ ءتىزىمىن جەرگىلىكتى اكىمدىكتەر قالىپتاستىرادى.

مەديتسينا قىزمەتكەرلەرى تاۋلىك بويى قىزمەت كورسەتەدى

سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى كەزەڭىنىڭ زارداپتارىن جويۋ جونىندەگى رەسپۋبليكالىق شتاب اپاتتان زارداپ شەككەن وڭىرلەردەگى حالىققا مەديتسينالىق كومەك كورسەتۋ ماسەلەسىن ەرەكشە باقىلاۋدا ۇستاپ وتىر.

مەديتسينالىق ۇيىمدار كۇشەيتىلگەن رە­جىم­دە جۇمىس ىستەپ, دارىگەرلەر مەن جەدەل مەديتسينالىق جاردەم بريگادالارى قو­سىمشا جۇمىلدىرىلدى. بارلىق ەۆاكۋا­تسيا­لانعانداردى دارىگەرلەر قاراپ-تەكسەرۋدە, ولاردىڭ جاعدايى تۇراق­تى, قانداي دا ءبىر جاراقات الۋ تۋرالى شا­عىمدار تۇسكەن جوق. جۇكتى ايەلدەر مەن بالالاردىڭ جاعدايىنا باقىلاۋ جۇر­گىزى­لىپ وتىر. بوسانۋ ۋاقىتى تاياعان ايەل­دەر اۋدان­دىق جانە وبلىستىق ورتالىق­تارعا كو­شىرىلدى. دەنساۋلىق ساقتاۋ مينيستر­لىگىن­دە جاعدايدىڭ كۇندەلىكتى مونيتورينگى جۇرگىزىلەدى. سۋ تاسقىنىنان زارداپ شەككەن وڭىرلەردىڭ تۇرعىندارى ءۇشىن مەديتسينالىق جانە پسيحولوگيالىق كومەكتىڭ قوسىمشا بريگادالارىن اشۋ ءۇشىن قىزمەتتەردىڭ دايىندىعى قامتاماسىز ەتىلدى.

حالىقتى ۋاقىتشا جيناۋ پۋنكتتەرىندە تاۋلىك بويعى مەديتسينالىق پوستتاردىڭ جۇمىسى قامتاماسىز ەتىلدى, دارىلىك زاتتار مەن مەديتسينالىق بۇيىمداردىڭ قاجەتتى قورلارى دايىندالدى. بارلىق وڭىردە سانيتارلىق-ەپيدەميولوگيالىق احۋالدى باقىلاۋ جانە مونيتورينگ كۇشەيتىلدى.

سونىمەن قاتار جەرگىلىكتى جەرلەردە دەنساۋ­لىق ساقتاۋ ماسەلەلەرى بويىنشا بايلانىس ورتالىق­تارىنىڭ جۇمىسى بىرىڭعاي الگوريتممەن تاۋلىك بويى جۇمىس ىستەۋ رەجىمىنە اۋىستىرىلدى.

سۋ تاسقىنىنان زارداپ شەككەن وڭىر­لەر تۇرعىندارى دەنساۋلىق ساقتاۋ باس­قار­­­مالارى Call-ورتالىعىنا مىنا نومىرلەر ارقىلى حابارلاسا الادى:

• اقتوبە وبلىسى (+7 (7132) 41 02 13)
• قوستاناي وبلىسى (+7 (7142) 52 40 70)
• باتىس قازاقستان وبلىسى

(+7 (7112) 24 00 06)

• قاراعاندى وبلىسى (+7 (7212) 95 55 59)
• اباي وبلىسى (+7 (7222) 56 64 50)
• ۇلىتاۋ وبلىسى (+7(7102) 99 95 09)
• اقمولا وبلىسى (109)

وقۋشىلار قاشىقتان وقيدى

سۋ تاسقىنىنا قارسى رەسپۋبليكالىق شتاب جۇمىسىنىڭ اياسىندا 88 ءبىلىم بەرۋ ۇيىمى ءتورتىنشى توقساندى قاشىقتان وقىتۋ فورماتىندا باستادى.

وقۋ-اعارتۋ مينيسترلىگى رەسمي وكىلىنىڭ حابارلاۋىنشا, قاشىقتان وقىتۋ سۋ تاسقىنى قاۋپى سەيىلمەگەن اۋماقتارداعى 56 مەكتەپتە, سونداي-اق ەۆاكۋاتسيالىق پۋنكتتەر رەتىندە ايقىندالعان 32 مەكتەپتە ۇيىمداستىرىلىپ وتىر.

«وسى دۇيسەنبىدەن باستاپ 3 ملن-نان استام وقۋشى ءۇشىن 2023-2024 وقۋ جىلىنىڭ ءتورتىنشى توقسانى باستالادى. بۇل رەتتە سۋ تاسقىنى جاعدايىنداعى وڭىرلەردە وقۋشىلار قاشىقتان وقۋعا كوشىرىلەدى.

جەرگىلىكتى جەرلەردە وقۋ-اعارتۋ مي­نيسترلىگىنىڭ اۋماقتىق ءبىلىم بەرۋ سالاسىندا ساپانى قامتاماسىز ەتۋ دەپارتامەنتتەرى مەن وڭىرلىك ءبىلىم باسقارمالارى جۇمىس جاسايدى. ەۆاكۋاتسيالىق بەكەتتەردەگى بالالارعا كومەك كورسەتۋ ءۇشىن پسيحولو­گيا­لىق قىزمەتتەر ىسكە قوسىلدى. بالا­لار قاشىقتان وقۋعا قاجەتتى وقۋ قۇرال­دارىمەن, كيىم-كەشەكپەن جانە تەحنيكالىق قۇرال­دارمەن قامتاماسىز ەتىلدى. ەۆاكۋا­تسيالانعان 1-4 سىنىپ وقۋشىلارىن تاماق­پەن قامتۋعا قاتىستى جۇمىس جۇرگىزىلىپ جاتىر», دەپ اتاپ ءوتتى سالانىڭ رەسمي وكىلى مەرەكە امانگەلدىقىزى.

سونداي-اق تاۋەكەلدەردى ازايتۋ جانە توتەنشە جاعدايدا ءبىلىم بەرۋ ۇدەرىسىن جالعاستىرۋدى قامتاماسىز ەتۋ ءۇشىن اقتوبە وبلىسىنداعى كوللەدجدەر قاشىقتان وقىتۋ فورماتىنا اۋىستىرىلدى.