«جادىگەردىڭ پىشىنىنە قاراپ-اق ورتاعاسىرلىق قولونەر شەبەرلەرى قانداي دا ءبىر بۇيىمدى دايىنداۋ بارىسىندا وزىندىك قولتاڭباسىن قالدىرۋعا تىرىسقانىن ايقىن اڭعارامىز. شەبەردىڭ ىزدەنىسى كۇردەلى ويۋ-ورنەكتەردەن دە كورىنىپ تۇر. بىزدە بار دەرەككە جۇگىنسەك, بۇل قولا شىراعدان حI-ءحىى عاسىرلاردا پايدا بولعان», دەيدى وبلىستىق تاريحي-ولكەتانۋ مۋزەيىنىڭ ەكۋسكۋرسوۆودى لاۋرا بايتۇرسىنوۆا.
ل.بايتۇرسىنوۆانىڭ ايتۋىنشا, تاريحي جادىگەر مۋزەي قورىنا 1964 جىلى تاپسىرىلعان. ال ءبىر پىلتەسى زاقىمدانعان شىراعدان تاراز قالاسىنداعى بۇرىنعى كوك بازاردىڭ اۋماعىنان تابىلعان دەگەن مالىمەت بار. ءتۇرلى ويۋ-ورنەكپەن بەزەندىرىلگەن جادىگەردىڭ ءبىرشاما كونەرگەنى كوزگە انىق بايقالادى.
«مۇنداي بۇيىمدار كوبىنەسە ءدىني-ەستەتيكالىق سيپاتقا يە بولعانى داۋسىز. ح-ءحىىى عاسىرلاردا جاسالعان قولا شىراعدانداردى تەك اقسۇيەك, باقۋاتتى وتباسىلار عانا پايدالانعان دەگەن دەرەك بار. بۇيىمدى دايىنداۋعا كەتكەن ماتەريالداردىڭ قۇندىلىعىنا قاراپ, باعاسى دا قىمبات بولعان دەگەن بولجام ءجيى ايتىلادى. ىقىلىم زاماندا ادامدار كۇندەلىكتى تۇرمىس-تىرشىلىكتە وسىنداي شىراعدانداردى ءجيى پايدالانعان. شىراعداننىڭ ۇزاق ۋاقىت بويى جانۋىنىڭ سالدارىنان جوعارى جاق بەتىندە ىستىڭ (وتتىڭ) ءىزى قالىپ قويعان», دەيدى مامان.
تاراز
