سايا بولاتىن كوشەتتەر

تاراز قالاسىنداعى قايرات رىسقۇلبەكوۆ اتىنداعى ورتا­لىق ساياباققا ءوڭىر باسشىسى ەربول قاراشوكەەۆ, قالا اكىمى باقىتجان ورىنبەكوۆ باستاپ, زيالى قاۋىم وكىلدەرى قوشتاپ, 605 ءتۇپ كوشەت وتىر­عىزدى. تاراز قالاسىنىڭ اكىمى ب.ورىنبەكوۆتىڭ اي­تۋىنشا, وبلىس ورتالىعىن كو­گال­دان­دى­رۋ جۇمىستارى ۇزدىكسىز جۇرگىزىلە بەرمەك.

دەرەككە سۇيەنسەك, وسى جىلى تاراز قالاسىندا 1 ملن-نان اسا گۇل, ونىڭ ىشىندە 15 مىڭ دانا راۋشان گ ۇلىن ەگۋ جوسپارلانعان. «جاسىل بەل­دەۋ» باعدارلاماسى اياسىن­دا 20 مىڭ, « ۇلى دالا» شاعىن اۋدا­نىندا سالىناتىن ساياباقتا 3 500, جالپى العاندا 40 مىڭ ءتۇپ تال-داراق ەگىلەدى ەكەن.

«مەملەكەت باسشىسىنىڭ تاپ­­­سىرماسىنا سايكەس, وڭىر­­دەگى ور­­مان قورىن مولىق­تى­رۋ جانە مو­­لايتۋ جونىندەگى كەشەندى جوس­­­پار اياسىندا 16 540 گەكتار اۋ­ماق­قا 34,5 ملن ءتۇپ تال-داراق وتىر­­عىزۋ جوس­پار­لانعان. بۇل جۇ­مىس ساتىمەن جۇزەگە اسىرى­لا­دى.

بۇعان قوسا ەلدى مەكەندەردى كوگالداندىرۋ, جاسىل ايماق قۇرۋ ماسەلەسى دە نازاردان تىس قالماق ەمەس. ماسەلەن, وڭىر­دەگى اۋىلداردا 170,3 گەكتار اۋماققا 200 مىڭ ءتۇرلى اعاش كوشەتى وتىرعىزىلادى», دەي­دى ءوڭىر باسشىسى ە.قارا­شو­كەەۆ.

تاراز