دەمالىس ورنىنىڭ قازىعىن قاعۋعا وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قايرات ابدۋاليەۆ, اۋدان اكىمىنىڭ ورىنباسارى مارات جانەسەن جانە اۋىل اقساقالدارى قاتىسىپ, يگى ءىس-شاراعا مۇرىندىق بولعان ەل اعالارىنا العىسىن ءبىلدىردى. اۋىل اقساقالدارى اق باتاسىن بەرىپ, ساتتىلىك تىلەدى. ءىس-شارا بارىسىندا ساياباقتىڭ سانىنە اينالار اعاش كوشەتتەرى وتىرعىزىلدى. بۇگىندە اۋىل اكىمدىگى تاراپىنان 70 سوتتىق جەرگە قۇجاتتاردى راسىمدەۋ جۇمىستارى اياقتالعان. ساياباق اۋماعى تولىعىمەن قورشالىپ, اباتتاندىرىلىپ, ءبىر بۇرىشىنان بالالار ويىن الاڭشاسى بوي كوتەرەدى. دەمالۋشىلارعا ارنالعان ورىندىقتار قويىلىپ, تۇنگى جارىقشامدار ورناتىلادى. كاسىپكەردىڭ ايتۋىنشا, ساياباق قۇرىلىسىنا, شامامەن 50 ملن تەڭگە قارجى جۇمسالماق.
جالپى اۋدان اۋماعىنداعى 15 اۋىلدىق وكرۋگ جانە كەنت اۋماقتارىندا كوكتەمگى اعاش ەگۋ اكتسيالارى ءوتىپ جاتىر. ال وبلىستا وتكەن جىلى 1 ميلليوننان اسا كوشەت وتىرعىزىلدى. سونىڭ ىشىندە تۇلكىباس اۋدانىندا 80 مىڭعا جۋىق اعاش ەگىلگەن بولاتىن. بيىل كوكتەم ايلارىندا وبلىس بويىنشا 500 مىڭنان اسا كوشەت وتىرعىزۋ جوسپارلانسا, تۇلكىباس اۋدانىنىڭ اۋماعىندا 32 مىڭعا جۋىق اعاش كوشەتتەرى وتىرعىزىلادى. كۇز ايلارىندا بۇل جۇمىستار جالعاسىپ, قوسىمشا 33 مىڭ اعاش كوشەتتەرىن وتىرعىزۋ كوزدەلىپ وتىر.
سونداي-اق ناۋرىزناما ونكۇندىگى اياسىندا وبلىستىڭ بارلىق قالا, اۋداندارىندا «سەنبىلىك – تازالىق ايناسى» اتتى اكتسيا ءوتتى. مىسالى, تۇركىستاندا «جاستار رەسۋرستىق ورتالىعى» كمم-ءنىڭ ۇيىمداستىرۋىمەن وتكەن اكتسياعا 200-گە جۋىق بەلسەندى قاتىسىپ, قوجا احمەت ياساۋي كەسەنەسى اۋماعىندا تازالىق جۇمىستارىن جۇرگىزدى.
تۇركىستان وبلىسى
