فوتو: جوعارعى سوت
ءىس بارىسىندا جابىرلەنۋشى ايەل بەلگىسىز تۇلعالاردىڭ نۇسقاۋىمەن نەسيە راسىمدەپ, كەيىن ءوز پاتەرىن باسقا ادامعا ارزانداتىلعان باعامەن ساتىپ, العان اقشاسىن جاۋاپكەرلەردىڭ كارتوچكالىق شوتتارىنا تۇگەل اۋدارىپ جىبەرگەنى انىقتالدى.
سوت القاسى نەگىزسىز بايۋ نيەتىمەن زاڭسىز ارەكەت جاساعان 4 ادامدى تاپتى.
جوعارعى سوتتىڭ ءباسپاسوز قىزمەتى ءىستىڭ ءمان-جايىن بىلاي ءتۇسىندىردى:
«سوت القاسى انىقتاعانداي, پاتەردى ساتۋ الدىندا تالاپ قويۋشىعا بەلگىسىز بىرەۋ تەلەفون سوعىپ, ءوزىن پوليتسيا قىزمەتكەرى رەتىندە دەپ تانىستىرىپ, بەلگىسىز بىرەۋلەر ونىڭ پاتەرىن يەمدەنبەك بولعانىن ايتقان.
ارتىنشا تالاپ قويۋشىعا ءوزىن ۇلتتىق بانكتىڭ مامانى دەپ تانىستىرعان باسقا ادام قوسىلعان. وسىلايشا, ايەل ەكىنشى دەڭگەيلى بانكتەردەن قارىزعا قاراجات الۋعا ءوتىنىش جازىپ, كەيىن اقشانى جاۋاپكەرلەرگە اۋدارعان.
وسى تۇلعالاردىڭ ىقپالىمەن تالاپ قويۋشى ءوز پاتەرىن ساتىپ جىبەرگەن. تۇسكەن قارجى جاۋاپكەرلەردىڭ ءبىرىنىڭ ەسەپ-شوتىنا جىبەرىلگەن».
ناتيجەسىندە ازاماتتىق كودەكستىڭ 953, 960-بابىنا سايكەس سوممانى باستاپقى تۇلعاعا قايتارۋ مىندەتتەلدى.
