وبلىس اكىمدىگىنىڭ قولداۋىمەن وتكەن جىر دوداسىندا پاۆلودارلىق اسپانبەك شۇعاتاەۆ پەن جۋالىلىق قانات مىرزاحان باستاعان جۇيرىكتەر تاماشا ايتىس كورسەتىپ, ۇلتتىق ونەرگە شولىركەپ كەلگەن جىرسۇيەر قاۋىمنىڭ ايىزىن قاندىردى. جامبىلدىق دارحان ءابدىمانات, التىنكۇل قاسىمبەكوۆالار دا شىرايلى شۋماقتارىمەن دارالانا بىلگەنىن ايتا كەتكەن ءجون.
جىر دوداسىندا شىمىر شۋماقتارىمەن كوزگە تۇسكەن قانات مىرزاحان باس جۇلدەگە لايىق دەپ تانىلىپ, 1,5 ميلليون تەڭگەگە يە بولدى. پاۆلودارلىق اقىن اسپانبەك شۇعاتاەۆقا جۇلدەلى ءبىرىنشى ورىن (1 ميلليون تەڭگە) بۇيىرسا, جامبىلدىق جاس تالانت دارحان ءابدىمانات ەكىنشى ورىن يەگەرى اتاندى. جۇلدەلى ءۇشىنشى ورىن التىنكۇل قاسىمبەكوۆا مەن بەلگىلى ايتىسكەر اقىن اسەم ەرەجەقىزىنا بۇيىردى.
رەسپۋبليكالىق ايتىسقا قاتىسقان اقىنداردىڭ بارلىعى ەلەۋسىز قالعان جوق. كورەرمەندەردىڭ كوڭىلىن تاپقان ورالدىق ايتىسكەر مەيىرمان شاكەنوۆ سىبايلاس جەمقورلىققا قارسى ءىس-قيمىل دەپارتامەنتى تاعايىنداعان ارنايى جۇلدەگە يە بولسا, جىر دوداسىندا ونەر كورسەتكەن وزگە اقىندارعا ارنايى العىسحات پەن 200 مىڭ تەڭگەنىڭ سەرتيفيكاتى تابىستالدى.
بىرنەشە جىل بويى ۇيىمداستىرىلىپ كەلە جاتقان «جامبىل – مەنىڭ جاي اتىم, حالىق – مەنىڭ شىن اتىم» اتتى رەسپۋبليكالىق اقىندار ايتىسىندا جاس تالانت قانات مىرزاحان تاماشا ونەرىمەن دارالانىپ ءجۇر. ول وسى جىلدى قوسا ەسەپتەگەندە ءداستۇرلى جىر دوداسىندا ءتورتىنشى رەت جەڭىمپاز اتاندى.
تاراز
