سۋرەتتە: KMF باسقارما توراعاسى شالقار ءجۇسىپوۆ جانە JICA جەكە سەكتوردى قارجىلاندىرۋ جانە سەرىكتەستىك دەپارتامەنتىنىڭ باس ديرەكتورى ەيگو ادزۋكيزاۆا
KMF – JICA جاپونيا حالىقارالىق ىنتىماقتاستىق اگەنتتىگىنىڭ قازاقستانداعى العاشقى سەرىكتەسى. بىرلەسكەن جوبا اياسىندا بۇل اگەنتتىك KMF-كە 50 ملن دوللار بولمەك, ال بۇل قارجى اۋىلدىق جەرلەردەگى شاعىن كاسىپتى قارجىلاندارۋعا باعىتتالادى. JICA نەسيە جەلىسى بۇل سەكتورداعى ينۆەستيتسيالار كولەمىن ۇلعايتۋعا جانە 26 مىڭنان استام كاسىپكەردى قولجەتىمدى قارجىلاندىرۋمەن قامتۋعا مۇمكىندىك بەرەدى.
– KMF العاش رەت JICA-مەن مەموراندۋمعا قول قويدى, بۇۇ-نىڭ تۇراقتى دامۋ ماقساتتارىن ىسكە اسىرۋعا باعىتتالعان ۇيىمنىڭ مۇراتى مەن ميسسياسى بىزگە جاقىن. بۇل – ناقتى سەكتوردى قولداۋ, بيزنەس كليماتىن جاقسارتۋ جانە ازىق-ت ۇلىك قاۋىپسىزدىگىن قامتاماسىز ەتۋ. JICA ارقىلى قارجىلاندىرۋ اۋىلداعى كاسىپكەرلەرگە جۇمىس ىستەپ تۇرعان بيزنەستەرىن كەڭەيتۋگە, كىرىستەرىن ارتتىرۋعا جانە قوسىمشا جۇمىس ورىندارىن قۇرۋعا مۇمكىندىك بەرەتىن جوبالاردى جۇزەگە اسىرۋعا باعىتتالادى, – دەدى KMF باسقارما توراعاسى شالقار ءجۇسىپوۆ.
KMF كليەنتتەرىنىڭ 70%-عا جۋىعى اۋىلدىق جەرلەردە تۇرادى. كومپانيا رەسپۋبليكامىز بويىنشا 4 مىڭ ەلدى مەكەندى قىزمەتىمەن قامتىپ وتىر. قىزمەتپەن قامتۋ گەوگرافياسى كەزدەيسوق تاڭدالماعان, KMF ستراتەگيالىق باعىتتارىنىڭ ءبىرى – ايماقتاردا قارجىلىق ينكليۋزيانى ىلگەرىلەتۋ. كومپانيا ماماندارى بيزنەستى دامىتۋعا ارنالعان نەسيەلەرگە قول جەتكىزۋ كەدەرگىسىز بولۋى كەرەك دەپ ەسەپتەيدى. سوندىقتان كليەنتتەر ءۇشىن قارجى قىزمەتى ونلاين جانە وفلاين فورماتتا قولجەتىمدى. 700-گە جۋىق جەكە مەنەدجەر كليەنتتەرمەن, ولاردىڭ بيزنەس ورنىندا جۇمىس ىستەيدى, ال KMF ءموبيلدى قوسىمشاسىندا 170 مىڭنان اسا تۇتىنۋشىعا قىزمەت كورسەتىلەدى.
– ءبىزدىڭ ستراتەگيامىز اۋىلداعى كاسىپكەرلىكتى, اگروسەكتوردى دامىتىپ, بيزنەستەگى ايەلدەردى قولداۋعا باعىتتالعان. اگروباعىتتىڭ وزىندە 111 مىڭنان اسا كليەنتىمىز بار. ال پورتفەلىمىزدىڭ جالپى قۇرىلىمىنىڭ 55%-ى ايەلدەردىڭ ۇلەسىندە, – دەدى ش.ءجۇسىپوۆ.
شاعىن كاسىپكەرلىكتى دامىتۋ جانە وڭىرلەردەگى بيزنەس-احۋالدى جاقسارتۋمەن قاتار KMF-تە تۇراقتى دامۋ تۇجىرىمداماسىنا ەرەكشە ءمان بەرىلەدى. JICA سياقتى حالىقارالىق ۇيىمداردىڭ ينۆەستيتسيالارى كومپانياعا قارجىلاندىرۋ كولەمىن ۇلعايتۋعا عانا ەمەس, سونىمەن قاتار ESG قاعيداتتارىن ەنگىزۋگە مۇمكىندىك بەرەدى.
– ءبىز «جاسىل» تەحنولوگيالار سالاسىنداعى جوبالاردى ىسكە اسىرۋعا اتسالىسامىز, كاسىپكەرلەرگە قۋاتتى ۇنەمدەيتىن جابدىقتاردى ساتىپ الىپ, بيزنەستەرىن ەكولوگياعا زيانى تيمەيتىندەي دامىتۋىنا كومەكتەسەمىز. ەققدب-نىڭ «جاسىل قارجىلاندىرۋ» باعدارلاماسى اياسىندا جالپى سوماسى 2,2 ملرد تەڭگە بولاتىن 2 مىڭنان اسا ميكروكرەديت بەردىك, – دەدى ش.ءجۇسىپوۆ.
كەيىنگى 19 جىلدا KMF شەتەلدىك ينۆەستورلاردان 600 ملرد تەڭگەگە جۋىق قاراجات تارتتى. كومپانيا ماماندارىنىڭ ايتۋىنشا, حالىقارالىق كرەديتورلاردىڭ سەنىمى KMF قىزمەتىنىڭ اشىقتىعىنا, سەنىمدى بەدەلى مەن بيزنەستى دامىتۋعا, ونىڭ ىشىندە ايەلدەر كاسىپكەرلىگىن قولداۋ ارقىلى گەندەرلىك تەڭسىزدىكتى تومەندەتۋگە باعىتتالعان نەگىزگى ميسسياسىن ۇستانۋىنا نەگىزدەلگەن. حالىقارالىق ىنتىماقتاستىقپەن قاتار KMF ۇنەمى «دامۋ» كاسىپكەرلىكتى دامىتۋ قورىنىڭ نەسيەلەندىرۋ باعدارلامالارى بويىنشا وپەراتورى بولىپ, ميكروبيزنەسكە جەڭىلدەتىلگەن قارجىلاندىرۋدى ۇسىنىپ كەلەدى.
KMF – قازاقستانداعى ەڭ ءىرى ميكروقارجى ۇيىمى. 1997 جىلدان باستاپ جۇمىس ىستەيدى, ميكرو, شاعىن جانە ورتا كاسىپكەرلىكتى قارجىلاندىرادى. KMF-ءتىڭ قازاقستان بويىنشا 17 فيليالى جانە 120 بولىمشەسى بار.
ميكروقارجىلىق قىزمەتتى جۇزەگە اسىرۋ قۇقىعىن بەرەتىن قنردا-نىڭ 26.02.2021 جىلعى №02.21.0003.M ليتسەنزياسى
