زاڭ ەۋرازيالىق ەكونوميكالىق كوميسسيانىڭ تەحنيكالىق رەتتەۋ, سانيتارلىق شارالار, تۇتىنۋشىلاردىڭ قۇقىقتارىن قورعاۋ جانە ەۋرازيالىق ەكونوميكالىق كوميسسيا تۋرالى ەرەجەگە وزگەرىستەر ەنگىزۋ ماسەلەلەرى جونىندەگى قولدانىستاعى ەرەجەلەردەگى ولقىلىقتاردى جويۋعا باعىتتالعان. قۇجات بويىنشا مۇشە مەملەكەت كارانتيندىك وبەكتىلەردىڭ بىرىڭعاي تىزبەسىنە ەنگىزىلمەگەن زياندى تەتىكتەرگە قاتىستى شۇعىل فيتوسانيتاريالىق شارالاردى ەنگىزە الادى. بۇل رەتتە مۇشە مەملەكەت بۇل تۋرالى كوميسسيانى, ەاەو-نىڭ باسقا مەملەكەتتەرىن حاباردار ەتىپ, شارانى كەدەندىك اۋماققا ەنگىزۋ تۋرالى ۇسىنىس بەرەدى.
حاتتاماعا سايكەس كوميسسيا مۇشە مەملەكەتتەرمەن بىرلەسىپ, تۇتىنۋشىلاردىڭ قۇقىقتارىن قورعاۋ باعدارلاماسىن ازىرلەيدى جانە ونىڭ ىسكە اسۋىنا قاتىستى مونيتورينگتى جۇزەگە اسىرادى. سونداي-اق مەملەكەتتىك ساتىپ الۋعا قاتىسۋعا وڭايلاتىلعان تۇردە قول جەتكىزۋ ءۇشىن ۇلتتىق ەلەكتروندىق تسيفرلىق قولتاڭبالاردى ءوزارا تانۋ قاعيدالارى بەكىتىلەدى. وعان قوسا تاۋارلاردى اكەلۋ جانە اكەتۋ كەزىندە رۇقسات الۋ ۇدەرىسىن وڭايلاتۋ كوزدەلىپ وتىر.
سەناتورلاردىڭ ايتۋىنشا, حاتتامانى راتيفيكاتسيالاۋ ەۋرازيالىق ەكونوميكالىق وداق اياسىنداعى ينتەگراتسيالىق ۇدەرىستەردى ودان ءارى نىعايتۋعا ىقپال ەتەدى. كوميتەت مۇشەلەرى تالقىلاۋ ناتيجەسىندە زاڭدى پالاتا وتىرىسىندا قاراۋ تۋرالى شەشىم قابىلدادى.
