فوتو: ۆيدەوسكرين
قاراعاندى وبلىسىنىڭ اۋماعىندا «دارمەك» جەدەل الدىن الۋ ءىس-شاراسى وتكىزىلىپ جاتىر. اتالعان شارا بارىسىندا اسا ءىرى مولشەردە سينتەتيكالىق ەسىرتكى زاتتارىن ساتۋمەن اينالىسقان 20 جاستاعى ەر ادام ۇستالدى. ۇستالعان ازاماتقا تيەسىلى قول سومكەنىڭ ىشىندە ءۇش پاكەتكە سالىنعان ۇنتاق ءتارىزدى زاتتار تابىلدى.
تاركىلەنگەن زاتتارعا جۇرگىزىلگەن ساراپتاما قورىتىندىسىنا سايكەس, ونىڭ جالپى سالماعى 1,5 كەلى «مەفەدرون» سينتەتيكالىق ەسىرتكى زاتى ەكەنى بەلگىلى بولدى. كۇدىكتى تاركىلەنگەن زاتتاردى استانا قالاسىنان اكەلگەنىن مويىندادى.
«اتالعان دەرەك بويىنشا قىلمىستىق ءىس قوزعالدى. كۇدىكتىگە قاتىستى قاماۋعا الۋ بۇلتارتپاۋ شاراسى قابىلداندى. تەرگەۋ ارەكەتتەرى جۇرگىزىلىپ جاتىر», دەلىنگەن حابارلامادا.
