فوتو: pxhere.com
وڭىرلەر بولىنىسىندە قولما-قول اقشاسىز ترانزاكتسيالار ۇلەسى ءوسىمىنىڭ كوشباسشىلارى الماتى (+9,9%), تۇركىستان (+9,5) جانە باتىس قازاقستان (+5,4) وبلىستارى بولدى.
ەلدەگى قولما-قول اقشاسىز وپەراتسيالاردىڭ ودان ءارى ەنۋى اينالىستاعى تولەم كارتالارى سانىنىڭ (جىلىنا +9,5 ملن) جانە POS-تەرمينالداردىڭ (+210,1 مىڭ) ايتارلىقتاي ۇلعايۋىنا, QR ارقىلى تولەمدەردىڭ تانىمالدىلىعىنىڭ ارتۋىنا (جىل قورىتىندىسى بويىنشا 8,5 ترلن تەڭگە), سونداي-اق قولما-قول اينالىمدى ءداستۇرلى پايدالاناتىن سەگمەنتتەردىڭ قامتىلۋىنا (مىسالى, بەيرەسمي جۇمىسپەن قامتۋ: ساۋدا, قىزمەتتەر, ت.ب.) اسەر ەتتى.
بۇل رەتتە بانكتەردىڭ ونلاين-سەرۆيستەرىن بەلسەندى پايدالانۋشىلاردىڭ سانى جىل قورىتىندىسى بويىنشا 22,9-دان 22,7 ملن-عا دەيىن (-1,1%) تومەندەگەن.
«قولما-قول اقشاسىز وپەراتسيالار ادىستەرىنىڭ ىشىندە ەڭ تانىمالى ينتەرنەتتەگى ترانزاكتسيالار (بارلىق قولما-قول اقشاسىز وپەراتسيالاردىڭ 83,0%-ى), سودان كەيىن POS-تەرمينال (10,9%) جانە QR (6,0%) ارقىلى تولەم ورنالاستى. اقشا ماسساسىنىڭ ءوسۋ قارقىنى ءبىرشاما باياۋلادى (2023 جىلى +8,3%, ءبىر جىل بۇرىنعى 12,1% وسىممەن سالىستىرعاندا). 2023 جىلى قازاقستاندىقتار 2022 جىلعى 21,8 ترلن تەڭگەمەن سالىستىرعاندا 22,9 ترلن تەڭگەنى قولما-قول اقشاعا اينالدىردى. وتكەن جىلمەن سالىستىرعاندا ەلدەگى اينالىمداعى دەبەتتىك كارتالار سانى 18%-عا, 51,3-تەن 60,3 ملن بىرلىككە دەيىن, ال كرەديتتىك كارتالار – 3,9%-عا, 11,8-دەن 12,2 ملن بىرلىككە دەيىن ءوستى», دەلىنگەن قاۋىمداستىق حابارلاماسىندا.
2024 جىلدىڭ باسىنا قاراي كارتوچكالار بويىنشا قولما-قول اقشاسىز ترانزاكتسيا كولەمى قولما-قول اقشا بەرۋ جونىندەگى وپەراتسيالاردىڭ ءتيىستى كورسەتكىشتەرىنەن 6 ەسە اسىپ تۇسەدى.
