فوتو: olympic.kz
1 500 مەترلىك سايىستا 18 جاستاعى الينا فينالعا ەش قينالماي جەتىپ, ناتيجەسىندە مارە سىزىعىن ەكىنشى بولىپ قيىپ ءوتتى. بۇل – شورت-ترەكتەن قازاقستاننىڭ قىزدار قۇراماسىنىڭ اتالعان جارىستا جەڭىپ العان العاشقى جۇلدەسى. بۇعان دەيىن ايەلدەر كومانداسى دا ونداي كورسەتكىشكە قول جەتكىزە العان جوق ەدى. جالپى, ەرەسەكتەر, جاستار جانە جاسوسپىرىمدەردى قوسا العاندا, سپورتتىڭ بۇل تۇرىندە جەرلەستەرىمىزدىڭ اراسىنان دەنيس نيكيشا عانا جەڭىس تۇعىرىنا كوتەرىلگەن. قوستانايدىڭ تۋماسى 2014 جىلى ەرزۋرۋم جانە 2015 جىلى وساكادا وتكەن بايراقتى باسەكەلەردە قولا مەدالدى موينىندا جارقىراتتى. ال دەنيس پەن الينادان باسقا سپورتشىلارعا ونداي باق بۇيىرمادى.
گدانسكىدەگى جارىس ماجارستاندىق مايا دورا ءسوموديدىڭ جەڭىسىمەن اياقتالدى. ال قولا جۇلدەنى قىتايلىق ۆانيۋ ليۋ يەلەندى.
