فوتو: zhanbolatzhorgenbaev
سەناتور ەڭبەك نارىعى مەن الەۋمەتتىك ينفراقۇرىلىمدى دامىتۋ تۇرعىسىنان وڭىرلەر دە, مەگاپوليستەر دە بۇگىندە مۇنداي كوشى-قونعا دايىن ەمەس ەكەنىن ايتتى. دەپۋتات باستى ماقسات – اۋىلدىق اۋماقتاردىڭ الەۋمەتتىك ينفراقۇرىلىمىن جەتىلدىرۋ نەگىزىندە ەلىمىزدىڭ قاۋىپسىزدىگىن قامتاماسىز ەتۋ قاجەتتىگىن ايتتى.
- «اۋىل – ەل بەسىگى» باعدارلاماسى اياسىندا 2019-2023 جىلدارى رەسپۋبليكالىق بيۋدجەتتەن 524 ملرد تەڭگە ءبولىنىپ, 1,5 مىڭنان اسا اۋىلدىق ەلدى مەكەندە 5 مىڭنان استام جوبا ىسكە اسىرىلدى. ايتكەنمەن ونىڭ ناتيجەسى كوڭىل كونشىتپەي وتىر. شەكارا ماڭىنداعى اۋىلدارداعى بيۋدجەتتىك ينۆەستيتسيالىق جوبالاردى قارجىلاندىرۋعا باعىتتالعان بولەك بيۋدجەتتىك باعدارلاما اشۋ كەرەك. سونىمەن قاتار, قولدانىستاعى زاڭنامادا بەلگىلەنگەن اۋىلدىق ۇستەماقىدان تىس مەملەكەتتىك شەكاراعا 50 كم جاقىن ورنالاسقان اۋىل قىزمەتكەرلەرى ءۇشىن لاۋازىمدىق جالاقىعا 50%-عا دەيىنگى مولشەردە ۇستەماقى بەلگىلەۋ مۇمكىندىگىن قاراستىرۋ كەرەك, - دەدى ج.جورگەنباەۆ.
