فوتو: aikyn.kz
«قازگيدرومەت» رمك ءباسپاسوز قىزمەتى ۇسىنعان بولجامعا سايكەس, كۇندىز قاراعاندى وبلىسىنىڭ باتىسىندا جانە وڭتۇستىگىندە بۇرقاسىن بولادى.
شىعىس قازاقستان وبلىسى مەن وسكەمەن قالاسىندا تۇندە -40 گرادۋس قاتتى اياز ساقتالادى.
تۇندە اباي وبلىسىندا -40 گرادۋسقا دەيىن قاتتى اياز بولادى.
ۇلىتاۋ وبلىسىنىڭ سولتۇستىگى مەن شىعىسىندا بۇرقاسىن كۇتىلەدى. ال جەزقازعاندا قارلى بوران سوعادى.
سينوپتيكتەردىڭ بولجامىنا قاراعاندا, ماڭعىستاۋ وبلىسىنىڭ باتىسىندا, سولتۇستىك-شىعىسىندا جانە ورتالىعىندا كوكتايعاق, تۇمان بولادى. اقتاۋدا دا تۇندە كوكتايعاق بولادى.
تۇركىستان وبلىسىنىڭ سولتۇستىگىندە, باتىسىندا, تاۋلى جانە تاۋ بوكتەرىندەگى اۋداندارىندا كوكتايعاق بولادى. وبلىستىڭ وڭتۇستىگىندە, باتىسىندا, تاۋلى جانە تاۋ ەتەگىندەگى اۋداندارىندا تۇمان تۇسەدى. وبلىستىڭ تاۋلى اسۋلارىندا وڭتۇستىك-باتىستان 15-20 م/س بولاتىن جەل سوعادى. شىمكەنتتە تۇندە جانە تاڭەرتەڭ تۇمان تۇسەدى.
جەتىسۋ وبلىسىنىڭ تاۋلى ايماقتارىندا تۇندە -27 گرادۋس اياز بولادى. الاكول اۋدانىندا شىعىستان سوعاتىن جەلدىڭ ەكپىنى 15-20 م/س جەتەدى.
قىزىلوردا وبلىسىنىڭ سولتۇستىگىندە, وڭتۇستىگىندە جانە ورتالىعىندا تۇمان بولجانىپ وتىر. قىزىلوردادا كەي جەرلەردە تۇمان تۇسەدى.
