تۇركىستان وبلىسى وتكەن جىلعى ساياسي دودادا ەلىمىزدەگى ەڭ كوپ سايلاۋشى تىركەلگەن ءوڭىر رەتىندە اتالعان بولاتىن. ياعني بىلتىر سايلاۋشىلاردىڭ تىزىمىنە 1 ميلليون 168 مىڭنان اسا ادام ەنگىزىلگەن-ءدى. بىلتىر ناۋرىزدا وتكەن پارلامەنت ءماجىلىسى مەن بارلىق دەڭگەيدەگى ءماسليحاتتار سايلاۋى ناۋقانىندا «Amanat» پارتياسى وبلىس بويىنشا سايلاۋشىلاردىڭ 56,9 پايىز داۋىس جينادى. ءوڭىر بويىنشا بارلىق دەڭگەيدەگى ءماسليحات دەپۋتاتتارىنىڭ ماندات سانى 338 بولسا, سونىڭ 269 مانداتىن, ياعني وبلىستىق, اۋداندىق, قالالىق ءماسليحات دەپۋتاتتارىنىڭ 80,2 پايىزىن اتالعان پارتيانىڭ وكىلدەرى يەلەندى. سوندىقتان بولار وڭىردە بۇل ساياسي ۇيىم بەلسەندى. دەپۋتاتتىق كورپۋس وكىلدەرىنىڭ جۇمىس تيىمدىلىگى پارتيا قابىلداعان سايلاۋالدى باعدارلامانى ىسكە اسىرۋ ناتيجەلەرىمەن جانە سايلاۋشىلار بىلدىرگەن وتىنىشتەردىڭ ورىندالۋىمەن باعالاناتىنى ءمالىم. بۇل ورايدا تۇركىستان وبلىستىق ماسليحاتىنداعى «Amanat» پارتياسى فراكتسياسىنىڭ جەتەكشىسى التىنسارى ۇمبەتاليەۆ بۇگىنگە دەيىن سايلاۋشىلاردان كەلىپ تۇسكەن 1 748 ءوتىنىشتىڭ 97 پايىزى وڭ شەشىمىن تاپقانىن ايتادى. «مەملەكەت باسشىسى قاسىم-جومارت توقاەۆ پارتيا پوپۋليزمگە سالىنىپ, ورىندالمايتىن ۋادە بەرمەگەنى ءجون ەكەنىن ايتقان بولاتىن. سونداي-اق پرەزيدەنت جولداۋىندا «حالىققا كوپىرمە ءسوز, بوس ۋادە ەمەس, كوزبەن كورىپ, قولمەن ۇستاۋعا بولاتىن وڭ وزگەرىستەر كەرەك» ەكەنىن ايتتى. ءبىزدىڭ ماقساتىمىز دا ناقتى دا ناتيجەلى ءىستى كورسەتۋ. سايلاۋالدى باعدارلامانى ىسكە اسىرۋ جونىندەگى جول كارتامىزدا وبلىس كولەمىندە الداعى بەسجىلدىق مەرزىمدە اتقارىلۋعا ءتيىس جۇمىستار تۇگەل قامتىلدى. حالىقتىڭ سۇرانىسىن زەردەلەپ, ولاردى جەرگىلىكتى اتقارۋشى بيلىكتىڭ باعدارلامالىق جوسپارلارىمەن ۇيلەستىرە وتىرىپ, ءمانى مەن مازمۇنىنا, مىندەتى مەن مەجەسىنە ساي توپتاستىرىپ كەشەندى جوسپارىن تۇزدىك. پارتيا فيليالى قابىلداعان جول كارتاسى وبلىس ءۇشىن ماڭىزدى 4 نەگىزگى باعىتتى قامتيدى. بەسجىلدىق كەزەڭدە 136 ينديكاتور بويىنشا 542 ءىس-شارانى اتقارۋ جوسپارلانعان. وتكەن جىلدىڭ قورىتىندىسىمەن 119 اتاۋلى ءىس-شارا تارماقتارىنىڭ 108-ءى تولىقتاي جۇزەگە اسىپ, جوسپاردى ىسكە اسىرۋداعى ورىنداۋشىلىق ءتارتىپتىڭ دەڭگەيى 90,7 پايىزعا جەتتى. جول كارتانىڭ ورىندالۋىن ناقتىلى ساندارمەن سويلەتەتىن بولساق, جوسپاردا قامتىلعان مىندەتتەر اياسىندا وڭىرىمىزدە 57 كاسىپورىن ىسكە قوسىلدى. ونىڭ ىشىندە يننوۆاتسيالىق جوبالار رەتىندە كەرامزيتتى كىرپىش ءوندىرۋ, اليۋميني پروفيلدەر شىعارۋ ءىسى جولعا قويىلدى. ەكونوميكاسى اۋىل شارۋاشىلىعىنا بەيىمدەلگەن وبلىسىمىزدا جاڭادان 9 تاۋارلى-ءسۇت فەرماسى, 9 مال بورداقىلاۋ الاڭى, 6 جىلىجاي كەشەنى جانە 6 بالىق ءوسىرۋ فەرماسى ىسكە قوسىلدى. اشىلعان جۇمىس ورىندارىنىڭ سانى مىڭ بىرلىككە ارتتى. جالپى كولەمى 853,3 مىڭ شارشى مەتر بولاتىن تۇرعىن ءۇي, 5 150 وقۋشىعا ارنالعان 20 مەكتەپ, تۇركىستان قالاسىنداعى «مۇز سارايى» كەشەنى, ماقتاارال, بايدىبەك اۋداندارىندا سپورت كەشەندەرى سالىندى. ءوڭىردىڭ تۋريستىك تارتىمدىلىعىن كەڭەيتۋدە 2 زاماناۋي قوناقۇي كەشەنى, 2 ەمدەۋ-ساۋىقتىرۋ ورتالىعى ىسكە قوسىلدى. پارتيا ۇيىتقى بولعان «تۋعان جەر» ارنايى جوباسى بويىنشا مەتسەناتتاردىڭ ەسەبىنەن 127 قوعامدىق ماڭىزعا يە نىسان سالىنىپ, تەحنيكالىق جاڭارتۋدى قاجەت ەتەتىن 86 نىسان جوندەۋدەن ءوتتى», دەيدى التىنسارى ۇمبەتاليەۆ.
سونداي-اق پارتيانىڭ سايلاۋالدى باعدارلاماسىن جۇزەگە اسىرۋ شەڭبەرىندە وبلىستا 326,1 مىڭ شاقىرىم اۆتوموبيل جولدارى جوندەلىپ, 44 ەلدى مەكەن گازبەن, 20 ەلدى مەكەن اۋىزسۋمەن قامتىلعان. وتىرار اۋدانىندا قۋاتى 50 مۆت كۇن ەلەكتر ستانساسى ىسكە قوسىلدى. كەنتاۋ قالاسىندا 55 كوپقاباتتى تۇرعىن ءۇي مودەرنيزاتسيادان ءوتتى. وبلىس بويىنشا 85 مەكتەپتىڭ قازاندىقتارى قاتتى وتىننان گازعا اۋىستىرىلعان. ازاماتتاردىڭ قاۋىپسىزدىگىن قامتۋدا كەلەس, سوزاق, ساۋران, ورداباسى, سارىاعاش, تۇلكىباس اۋداندارى مەن ارىس قالاسىندا 8 ءورت ءسوندىرۋ بەكەتى سالىندى. وڭىردە بىلتىر قۇرىلعان 133,6 مىڭعا جۋىق جاڭا ورىندارىنىڭ 93,4 مىڭنان استامى – تۇراقتى جۇمىس. فراكتسيا جەتەكشىسىنىڭ ايتۋىنشا, «جەر اماناتى» جوباسى بويىنشا وبلىستا 2022 جىلى 1 ملن-نان استام گەكتار جايىلىم ورتاق يگىلىككە, بىلتىر 335 مىڭ گەكتار جايىلىم مەملەكەت مەنشىگىنە قايتارىلعان. ال «اۋىل اماناتى» جوباسى اياسىندا بىلتىر مەملەكەتتەن بولىنگەن ماقساتتى 19,7 ملرد تەڭگەگە 3 256 جوبا قارجىلاندىرىلدى. جوباعا قاتىسقان 16 اۋدان, قالاداعى 64 اۋىلدىق وكرۋگتە جىلىجاي كەشەندەرى بوي كوتەردى, تەحنيكالار پاركى جاڭارتىلدى, ەت-ءسۇت قورىن قالىپتاستىرۋ شارۋاشىلىقتارى قۇرىلدى. اۋىل تۇرعىندارىنىڭ تابىسىن ارتتىرۋدا ەگىن, مال شارۋاشىلىقتارى قارجىلاندىرىلدى. قۇس جانە بالىق ءوسىرۋ ءىسى جولعا قويىلعان. وندىرىستىك كووپەراتيۆتەردىڭ قۇرال-جابدىقتارىن جاڭارتۋ باستاماسى قولعا الىنىپ, اۋىلدىق جەردە كاسىپكەرلىكتى دامىتۋعا نەگىز قالاندى. «قارىزسىز قوعام» جوباسى اياسىندا اۋىل-ايماقتاردا 12 650 ادامدى وقىتۋ كۋرستارىنا قامتۋ جوسپارلانسا, ناقتى 14 600 ادام قارجىلىق ساۋاتتىلىق بويىنشا وقىتىلىپ, جىلدىق جوسپار ارتىعىمەن ورىندالعان. سونداي-اق ساياسي ۇيىمنىڭ بەلسەندىلىگىمەن وڭىردە «ارداگەرلەردى ارداقتايىق», «كەدەرگىسىز كەلەشەك», «باقىتتى وتباسى», «ۇلتتىق مۇرا» جوبالارى جۇزەگە اسىرىلىپ كەلەدى.
– پارتيا ايقىنداعان ەڭ نەگىزگى باسىمدىقتىڭ ءبىرى – تۇرعىندارمەن ناتيجەلى كەرى بايلانىس ارناسىن ءتۇزۋ. بىلتىر پارتيا فيليالدارىنىڭ قوعامدىق قابىلداۋ بولمەلەرىنە 13 287 ارىز-شاعىم كەلىپ ءتۇستى. ازاماتتار سۇرانىستارىنىڭ 63,2 پايىزى وڭ شەشىمىن تاپسا, 35,2 پايىزىنا زاڭ اياسىنداعى كەڭەستەر بەرىلدى. ال 219 ءوتىنىشتىڭ قارالۋ مەرزىمدەرى ناقتى بەلگىلەنىپ, ورىندالۋى باقىلاۋعا الىنعان. وبلىستاعى پارتيالىق الاڭداردا 3 مىڭنان اسا قابىلداۋ جۇرگىزىلىپ, ولارعا 10 مىڭنان اسا ادام جۇگىندى. سونىمەن قاتار, شالعاي ەلدى مەكەن تۇرعىندارىنىڭ سۇرانىستارىن تىڭداۋدا 216 ءموبيلدى كوشپەلى قوعامدىق قابىلداۋ ءوتىپ, 1 084 ازاماتتىڭ ارىز-تالاپتارى تىڭدالدى. ولاردىڭ تەڭ جارتىسى شەشىمىن تاپسا, قالعاندارىنا زاڭ اياسىندا كەڭەستەر بەرىلدى. «قۇقىقتىق كومەك» جوباسى بويىنشا ايىنا ەكى مارتە قۇقىق قورعاۋ ورگاندارى وكىلدەرىنىڭ, زاڭگەرلەردىڭ, ادۆوكاتتاردىڭ, سوت ورىنداۋشىلارىنىڭ قاتىسۋىمەن اشىق ەسىك كۇندەرىن وتكىزۋ, جەكە قوعامدىق قابىلداۋلار ۇيىمداستىرۋ جۇمىستارى اتقارىلدى. وسى فورماتتاعى 470 قابىلداۋ جۇرگىزىلىپ, 1 080 ازاماتتىڭ ماسەلەلەرى قارالدى. ارىزداردىڭ 65 پايىزى وڭ شەشىمىن تاپسا, 35 پايىز كاسىبي قۇقىقتىق كەڭەستەر بەرىلدى. «حالىققا كومەك» جوباسى شەڭبەرىندە 443 قابىلداۋ وتكىزىلىپ, 1300 ازاماتتىڭ جەكە ماسەلەلەرى قاراستىرىلدى. كەلۋشىلەردىڭ 64 پايىزىنىڭ ماسەلەلەرى وڭ شەشىمىن تاپتى. پارتيالىق فيليال جانىنداعى قوعامدىق كەڭەستەردىڭ 132 وتىرىسى وتكىزىلىپ, 210 ماسەلە قارالدى. قارالعان تاقىرىپتار اياسىندا مەملەكەتتىك ورگاندارعا 432 ۇسىنىم جولدانىپ, ولاردىڭ ورىندالۋى پارتيا نازارىندا بولدى. جول كارتاسىنا ەنگەن نىسانداردىڭ قۇرىلىس الاڭدارىندا 50 پارتيالىق باقىلاۋ بەكەتى قويىلىپ, انىقتالعان 21 كەمشىلىك پارتيانىڭ ىقپال ەتۋىمەن تۇزەتىلدى, – دەيدى تۇركىستان وبلىستىق ماسليحاتىنداعى «Amanat» پارتياسى فراكتسياسىنىڭ جەتەكشىسى التىنسارى ۇمبەتاليەۆ.
قوعامعا مەيلىنشە اشىق بولىپ, سايلاۋشىلارمەن بايلانىستى نىعايتۋ ماقساتىندا وبلىستىق پارتيا فيليالى جانىنان بريفينگ الاڭى اشىلعان. بەكىتىلگەن كەستەدە ءماسليحات دەپۋتاتتارىنىڭ جانە اۋدان, قالالاردىڭ ءماسليحات توراعالارىنىڭ قاتىسۋىمەن 49 بريفينگ ءوتىپ, پارتيا ايقىنداعان باسىمدىقتاردىڭ جۇزەگە اسىرىلۋ بارىسى تارازىلانعان. سونداي-اق فراكتسيا جەتەكشىسىنىڭ ايتۋىنشا, «جاستار رۋحى» جاستار قاناتى بىرقاتار ماڭىزدى جۇمىس اتقاردى. ستۋدەنتتىك جاتاقحانالاردىڭ احۋالىنا مونيتورينگ جۇرگىزىلگەن.
تۇركىستان وبلىسى
