فوتو: tengrinews.kz
قازىر قازاقستاننىڭ 4 قالاسىنداعى (تۇركىستان, شىمكەنت, پاۆلودار, قىزىلوردا) تەمىرجول تۇراقتارى كۇردەلى جوندەۋدەن ءوتىپ جاتىر. مينيستر باسقا ايماقتاعى ۆوكزالداردىڭ جاعدايى سىن كوتەرمەيتىنىنە ءمان بەردى.
«وكىنىشكە قاراي, قالعاندارىنا مۇلدەم قارجى دا بولىنبەگەن, جاي-كۇيى دە تومەن. ءار ۆوكزالدىڭ ءوز تابىسى 50-60% عانا قامتي الادى. وسىعان بايلانىستى بارلىق اكىمدىك جوبالىق-سمەتالىق قۇجاتتاما ازىرلەپ جاتىر. وسى جىلدىڭ سوڭىندا ءبىز وعان قارجى ءبولۋ جاعىن بيۋدجەتتەن قاراستىرامىز با دەپ وتىرمىز», دەدى مارات قاراباەۆ.
ال ۆوكزالداردى جوندەۋگە جاۋاپتى «قازاقستان تەمىر جولى» كومپانياسىنىڭ قارجىسى ۆاگون, لوكوماتيۆ الۋعا جۇمسالىپ جاتقاندىقتان, بۇل ىسكە اقشا بيۋدجەتتەن بولىنبەك.
«مۇندا اكىمدەرمەن كەلىسكەنىمىز – عيماراتتى جوندەۋدى رەسپۋبليكالىق بيۋدجەتتەن قاراستىرامىز. تەمىرجول ۆوكزالىنىڭ اۋلاسىن اكىمدىك بيۋدجەتى ەسەبىنەن كەلىسەمىز. بىراق جوبالىق-سمەتالىق قۇجاتتامانى اكىمدەردىڭ وزدەرى دايىنداپ جاتىر. تەمىرجول ۆوكزالدارىن جاڭارتۋ ساپانىڭ ارتۋىنا سەپتىگىن تيگىزەدى», دەدى مينيستر.
