اتالعان جارىس 17-21 اقپان ارالىعىندا تۇركيانىڭ بيلەك قالاسىنداعى «تيتانيك دەليۋكس» ستاديونىندا ۇيىمداستىرىلادى. جۇلدە قورى 100 ملن تەڭگەنى قۇرايتىن تۋرنيردە شىمكەنتتىڭ «ورداباسى», قوستانايدىڭ «توبىل», سەمەيدىڭ «ەلىماي» جانە «اقتوبە» كلۋبتارى شەبەرلىك بايقاسادى. باس جۇلدە العان كوماندا 60 ملن-دى ولجالاسا, فينالدا ۇتىلعان ۇجىم 40 ملن-دى ەنشىلەيدى.
ەل چەمپيونى «ورداباسى» مەن ءبىرىنشى ليگانىڭ جەڭىمپازى «ەلىماي» اراسىنداعى كەزدەسۋ ءتۋرنيردىڭ شىمىلدىعىن اشادى. ودان كەيىن پرەمەر-ليگانىڭ قولا جۇلدەگەرى «اقتوبە» قازاقستان كۋبوگىنىڭ يەگەرى «توبىلمەن» كۇش سىناسادى. جارتىلاي فينال 17 اقپاندا استانا ۋاقىتى بويىنشا ساعات 15.00-دە وتسە, فينالدىق سايىستى سول كۇنى 20.00-دە تاماشالايمىز.
