فوتو: Zakon.kz
«دەنساۋلىق ساقتاۋ مينيسترلىگى قىزمەتتەگى ادامدارعا قارسى بۇل ارەكەتتەردى مۇلدەم ادامگەرشىلىككە جات جانە زاڭسىز دەپ سانايدى جانە زاڭ شىعارۋ سالاسىنىڭ قۇرالدارىن قولدانا وتىرىپ, مەديتسينالىق پەرسونالدى قورعاۋدى كۇشەيتۋگە نيەتتى», دەلىنگەن ۆەدومستۆو حابارلاماسىندا.
دەنساۋلىق ساقتاۋ مينيسترلىگى قىزمەتتىك بورىشىن ورىنداۋ بارىسىندا مەديتسينا قىزمەتكەرلەرىنە شابۋىل جاساعانى ءۇشىن قىلمىستىق جاۋاپتىلىقتى كوزدەيتىن قىلمىستىق كودەكسكە جەكەلەگەن نورمانى ەنگىزۋگە باعىتتالعان تۇزەتۋلەرگە قايتا باستاماشىلىق جاسايدى.
ۇسىنىلعان نورمالار مەديتسينا قىزمەتكەرلەرىنىڭ كاسىبي مىندەتتەرىن قۇرمەتتەۋدىڭ ماڭىزدىلىعىن كورسەتە وتىرىپ, پەرسونالدى قورعاۋدى ەداۋىر كۇشەيتۋگە ارنالعان.
«ازىرلەنگەن زاڭنامالىق تۇزەتۋلەر جاقىن ارادا ۇسىنىلادى», دەدى قر دسم ءباسپاسوز قىزمەتىنىڭ وكىلدەرى.
