ۇلىتاۋ وبلىسىندا وتكەن جىلى 5 فەلدشەرلىك-اكۋشەرلىك پۋنكتتىڭ قۇرىلىسى باستالعان ەدى. جىل سوڭىنا دەيىن جاڭاارقا اۋدانىنداعى ءبىر نىساننىڭ قۇرىلىسى اياقتالىپ, پايدالانۋعا بەرىلگەن دە بولاتىن. ەندى مىنە, جاڭا جىلدىڭ العاشقى ايىنىڭ سوڭعى كۇنىندە ۇلىتاۋ اۋدانىنداعى سارىسۋ اۋىلىنداعى سالىنىپ جاتقان فەلدشەرلىك-اكۋشەرلىك پۋنكتتىڭ قۇرىلىسى ءبىتىپ, حالىق يگىلىگىنە قىزمەت ەتە باستادى.
مۇندا بارلىق جاعداي قاراستىرىلعان. كيىم ىلگىشتەن باستاپ ءبارى دە زاماناۋي جابدىقتالعان. شارۋاشىلىق-تۇرمىستىق بولمە, ۆەستيبيۋل-كۇتۋ ايماعى, پەرسونالعا, پاتسيەنتتەرگە, سونىڭ ىشىندە, مۇگەدەكتەرگە ارنالعان سانيتارلىق توراپ, زارارسىزداندىرۋ, اقپاراتتاندىرۋ, ەگۋ, اكۋشەر, فەلدشەر, ەم-دوم جاساۋ, حيميزاتور كابينەتتەرى كەڭ دە جارىق ءارى ءبارى دە وسى زامانعى مەديتسينالىق قۇرال -جابدىقتارمەن قامتاماسىز ەتىلگەن.
فەلدشەرلىك-اكۋشەرلىك پۋنكت ءبىر اۋىسىمدا 25 ادامعا دەيىن قابىلداي الادى. الداعى ۋاقىتتا وبلىس بويىنشا تاعى 8 فاپ اشىلادى دەپ جوسپارلانعان. مۇنىڭ 3-ەۋى – «اۋىل – ەل بەسىگى», 5-ەۋى – «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا قارجىلاندىرىلادى.
