مەموراندۋم قايىرىمدىلىقتى قولداۋ, تاجىريبە الماسۋ, پرومو ءىس-شارالارعا قاتىسۋ جانە قاۋىمداستىقتى نىعايتۋ, سونداي-اق الەۋمەتتىك باستامالاردى دامىتۋعا ىقپال ەتەتىن باسقا دا سالالارداعى سەرىكتەستىكتى قامتيدى.
– بۇل مەموراندۋم IT قاۋىمداستىقتىڭ الەۋمەتتىك قيىندىقتاردى جەڭۋگە بەلسەندى قاتىسۋعا دەگەن ۇمتىلىسىن كورسەتەدى ءارى ءاربىر ادام جاقسى بولاشاقتى قۇرۋعا ۇلەس قوسا الاتىن جاناشىر قوعامداستىقتى قالىپتاستىرۋعا شاقىرادى. بۇل ىنتىماقتاستىق باسقا ۇيىمدارعا ۇلگى بولىپ, ولاردى قايىرىمدىلىق باستامالارعا قوسىلۋعا شاقىرىپ, الەۋمەتتىك دامۋعا وڭ ىقپال ەتەتىنىنە سەنىمدىمىن. «Astana Hub»-پەن ىنتىماقتاستىق تۋرالى مەموراندۋمعا قول قويۋ ارقىلى ءبىز پالەستينالىق بالالارعا گۋمانيتارلىق جانە مەديتسينالىق كومەك جيناۋ جۇمىسىن باستايمىز ءارى مەيىرىمدى جانداردىڭ بارلىعىن وسى يگى باستاماعا قوسىلۋعا شاقىرامىز, – دەدى «Biz Birgemiz Qazaqstan» قوعامدىق قورىنىڭ پرەزيدەنتى پەريزات قايرات.
تەحنوپاركتىڭ گۋمانيتارلىق جانە الەۋمەتتىك جوبالاردى جۇزەگە اسىرۋ باعىتىندا تاجىريبەسى بار. ء«بىز ەلىمىزدە جانە ودان تىس جەرلەردە قايىرىمدىلىق باستامالارىنا بەلسەندى اتسالىسامىز. IT قاۋىمداستىق جاعدايى تومەن وتباسىلاردىڭ بالالارىنا, تابيعي اپاتتاردان زارداپ شەككەن وتانداستارعا قولداۋ كورسەتەدى, ۋكراينا مەكتەپتەرى مەن بالاباقشالارىن قالپىنا كەلتىرۋگە جانە جابدىقتاۋعا قاتىسادى. الەۋمەتتىك جاۋاپكەرشىلىكتى جۇمىسىمىزدىڭ اجىراماس بولىگى دەپ سانايمىز ءارى مۇقتاج جاندارعا كومەكتەسۋگە باعىتتالعان ءتۇرلى قايىرىمدىلىق جوبالارىن قولداۋدى جالعاستىرامىز. بۇل جولى دا شەت قالماي, پالەستينالىق بالالارعا كومەكتەسۋ باستاماسىن قولدايتىنىمىزدى بىلدىرەمىز جانە بۇعان ۇلەسىمىزدى قوسۋعا دايىنبىز», دەدى «Astana Hub» باس ديرەكتورى ماعجان ماديەۆ.
ايتا كەتۋ كەرەك, 2021 جىلى قۇرىلعان «Biz Birgemiz Qazaqstan» قورى قايىرىمدىلىق كومەك كورسەتەدى, توتەنشە جاعدايلار كەزىندەگى ۆولونتەرلىك ءىس-شارالار مەن حالىقارالىق جوبالارعا قاتىسادى جانە ءتۇرلى ءىس-شارالاردى ۇيىمداستىرۋ ارقىلى الەۋمەتتىك باستامالاردى قولدايدى.
