تاراپتار ساۋدا, ينۆەستيتسيا, ونەركاسىپتىك كووپەراتسيا, ەنەرگەتيكا, كولىك جانە لوگيستيكا, اۋىل شارۋاشىلىعى جانە ءبىلىم بەرۋ سالالارىنداعى مەملەكەتارالىق ىنتىماقتاستىقتىڭ كەڭ اۋقىمدى ماسەلەلەرىن تالقىلادى.
اتاپ ايتقاندا, قازاقستاندىق كومىردى رف اۋماعى ارقىلى تاسىمالداۋ, وتاندىق تاسىمالداۋشىلاردىڭ رەسەيگە كىرۋىنە قاتىستى پروبلەمالاردى شەشۋ ماسەلەلەرى جان-جاقتى تالقىلاندى. ءاليحان سمايىلوۆ ەكى مەملەكەت باسشىلارىنىڭ ساياسي ەرىك-جىگەرىنىڭ ارقاسىندا قر مەن رف اراسىنداعى قارىم-قاتىناستار ءوزارا سىيلاستىق قاعيداتتارى نەگىزىندە ىلگەرى دامىپ كەلە جاتقانىن اتاپ ءوتتى.
«رەسەي – قازاقستاننىڭ نەگىزگى ساۋدا-ەكونوميكالىق سەرىكتەستەرىنىڭ ءبىرى. بۇعان وتكەن جىلدىڭ 11 ايىنداعى كولەمى 24 ملرد دوللار بولعان ساۋدا اينالىمى دالەل», دەدى ول.
ۇكىمەت باسشىسىنىڭ ايتۋىنشا, قازاقستان وڭىرارالىق جانە شەكارالىق ىنتىماقتاستىقتى دامىتۋعا ۇلكەن كوڭىل بولەدى. بۇل باعىتتا وڭىرارالىق ىنتىماقتاستىق فورۋمى ءتيىمدى الاڭ بولىپ سانالادى.
«بيىل ءتۇرلى دەڭگەيدەگى ءوزارا بايلانىستار مەن بىرلەسكەن ءىس-شارالار كوپ بولاتىنىنا سەنىمدىمىن. قازاقستان ۇكىمەتى بارلىق سالا بويىنشا تولىق فورماتتى جانە ءوزارا ءتيىمدى ىنتىماقتاستىقتى دامىتۋعا دايىن», دەدى ءا.سمايىلوۆ.
ميحايل ميشۋستين ءداستۇرلى قوناقجايلىلىق ءۇشىن العىسىن ءبىلدىرىپ, رەسەي قازاقستانمەن ءوزارا ءتيىمدى قارىم-قاتىناستاردى نىعايتۋعا اسا ءمان بەرەتىنىن اتاپ ءوتتى.
ء«بىز ونەركاسىپ, ماشينا جاساۋ, ەنەرگەتيكا, مۇناي-حيميا, كولىك ينفراقۇرىلىمى, تسيفرلىق ەكونوميكا جانە باسقا دا كوپتەگەن سالادا ءىرى ينۆەستيتسيالىق جوبالاردى بىرلەسىپ جۇزەگە اسىرىپ جاتىرمىز. ءبىز جاڭا وندىرىستىك تىزبەكتەر قۇرىلىسىن جەدەلدەتۋدى ۇسىنىپ وتىرمىز. بۇعان رەسەي مەن قازاقستاننىڭ ەكونوميكالىق, وندىرىستىك جانە تەحنولوگيالىق الەۋەتتەرىنىڭ ءوزارا ءبىرىن-ءبىرى تولىقتىرۋى جاقسى نەگىز», دەدى رف ۇكىمەتىنىڭ توراعاسى.
