كەدەن كەڭىستىگى تابىستارعا جەتەلەيدى

الماتىدا كەدەن وداعى اياسىندا بىرىڭعاي كەدەن  ايماعىن قۇرۋ, سونىمەن قاتار قازاقستان رەسپۋبليكاسىنا جەكە تۇلعالاردىڭ جەڭىل كولىك قۇرالدارىن جانە تاۋارلاردى اكەلۋ ءتارتىبىن وزگەرتۋگە ارنالعان دوڭگەلەك ۇستەل بولىپ ءوتتى. بۇگىنگى تاڭدا كۇن تارتىبىندە تۇرعان بۇل ماسەلەلەر تۋرالى ەكو­نو­ميكالىق دامۋ جانە ساۋدا مي­نيسترى جانار ايتجانوۆا بايان­دادى. قازاقستاننىڭ كەدەن وداعىنا ەنۋىندەگى ەڭ باستى جانە ەڭ وزەكتى ماقسات – ەلىمىزدىڭ ينۆەستيتسيالىق تار­تىمدىلىعىن ارتتىرۋ بولىپ وتىر. ستاتيستيكالىق دەرەكتەرگە ۇڭىلسەك, وتاندىق ەكونوميكاعا 1993-2009 جىلدار ارالىعىندا 108 ميل­ليارد دوللار شەتەلدىك ينۆەس­تي­تسيا تارتىلعان. ونىڭ 70 پايىز­عا جۋىعى  ءوندىرۋشى سەكتورعا, ال, بار بولعانى 10 پايىزدان دا ءتو­مەندەۋ بولىگى ءونىم وڭدەۋ سالاسىنا جىبەرىلگەن. ەكسپورت­تاۋ­دا دا مۇناي, مەتالل جانە وزگە دە شيكىزاتتار ۇلەسى ايتار­لىق­تاي مول. سوندىقتان دا قالىپ­تاسقان جاع­داي­دى وزگەرتۋ قاجەت, ەل رىنوگى­نىڭ 16 ميلليون ادامنان 170 ميلليون ادامعا ۇلعايۋىنىڭ بەرەرى مول, – دەدى جانار سەيداحمەت­قىزى. جەڭىل ونەركاسىپ كاسىپورىن­دا­رى اسسوتسياتسياسىنىڭ باسقارماسى ءتورايىمى ليۋبوۆ حۋدوۆا جانە قازاقستان جيھاز جاساۋشىلار  جانە اعاش وڭدەۋ ونەركاسىبى اسسو­تسياتسيا­سىنىڭ پرەزيدەنتى ميحايل گلۋحوۆ زاڭدى تۇردە جۇمىس ىستەي­تىن­دەرگە كولەڭكەلى, استىرتىن بيز­نەسپەن اي­نا­لىساتىنداردىڭ تي­گىزەتىن زيانى­نىڭ مول ەكەندىگىن تىلگە تيەك ەتتى. دەگەنمەن, كەڭ بايتاق ەلىمىزدە جاڭا كاسىپورىندار قۇرىلىپ,  ءوندىرىس قارقىنىن ارتتىرۋ تابىسقا جەتەلەي بەرمەك. نەگىزگى ءتۇيىن وسى. باقىت بالعارينا, الماتى.