فوتو: parlam.kz
ستاتيستيكا كورسەتكەندەي, جىل سايىن ادامدار مەن جانۋارلاردىڭ ء«سىبىر كۇيدىرگىسىن» جۇقتىرۋى تىركەلەدى. بىلتىر وعان شالدىعۋدىڭ راستالعانى 37, ونىڭ ىشىندە جامبىل وبلىسىندا 19, اقمولا وبلىسىندا 15, قاراعاندى وبلىسىندا 3 جاعداي انىقتالعان.
«وكىنىشكە قاراي, قاراعاندى وبلىسىنداعى سوڭعى جاعداي قازامەن اياقتالدى. بارلىق جۇقتىرعان جانۋارلارمەن بايلانىستا بولعان جانۋارلار دا بىرگە ورتەلدى. سول ولگەن مالداردىڭ كونى تازالاندى ما, ال توپىراعى شە؟ بۇل – جابۋلى قازان قالپىندا قالىپ وتىر. سونداي-اق ۆاكتسينا ساتىپ الۋعا مەملەكەتتەن جىل سايىن بولىنەتىن قوماقتى قاراجات دالاعا كەتكەنى مە؟ وسى ورايدا ۆەتەريناريا سالاسىنداعى ۋاكىلەتتى ورگان جىل سايىن جەكە ءۇي شارۋاشىلىعىندا ينفەكتسيالار پايدا بولعان كەزدە نەمەن اينالىسادى دەگەن سۇراق تۋىندايدى. ءبىر سوزبەن ايتقاندا ءبىز ۋاقتىلى ۆاكتسينا سالۋعا جانە جانۋارلار مەن ادامدارعا جۇقتىرۋدىڭ الدىن الۋعا دايىن ەمەسپىز», دەدى دەپۋتات.
دەپۋتاتتىڭ سوزىنشە, قاراعاندى وبلىسىندا بولعان جاعداي الداعى ۋاقىتتا قايتالانۋى ابدەن مۇمكىن. اۋىرىپ ەم ىزدەگەنشە, اۋىرمايتىن جول ىزدەۋدىڭ امالىن ويلايتىن ۋاقىت. ال قولىندا ازعانتاي مالى بار جۇرتتىڭ سەنگەن ۆەتەرينارلارىنان ايتارلىقتاي قايىر بولماي تۇر. سەبەبى جۇمىس ىستەمەيتىن زەرتحانا جانە شايلىعىنا جەتپەيتىن ايلىق ولاردى قاجىتقان. جاستار جاعى اتالعان سالاعا جولاعىسى كەلمەيدى.
«قازىر مال بازارلارىندا, دۇكەندەردە, ءتىپتى, الەۋمەتتىك جەلىلەر ارقىلى دا ەت ساتىلىپ جاتىر. بىراق ساتىلىمدا تۇرعان قانداي ەت ەكەندىگىن مالعا اۋرۋ جۇقپاعاندىعىن ەسكەرىپ جاتقاندارى شامالى. ساتىلىمداعى ەت زەرتحانادا تەكسەرىلگەن بە, ۆەتەرينار مامانداردىڭ رۇقساتى بار ما؟», دەدى ول.
م.جايىمبەتوۆتىڭ ايتۋىنشا, قالا بازارلارىنداعى ۆەتەريناريالىق-سانيتاريالىق ساراپتاۋ زەرتحانالارىنىڭ كوبى جەكەمەنشىك يەلەرىندە. سول سەبەپتەن ەتكە بەرىلەتىن انىقتامالاردى وڭدى-سولدى بەرۋدى توقتاتۋ قاجەت. سونىمەن قاتار ۆانكتسينالاردى ساقتاۋ جانە تاسىمالداۋ بويىنشا شارتتار تولىق ورىندالماي جاتادى.
«جەرگىلىكتى اتقارۋشى ورگاندار ۆەتەريناريا سالاسىنداعى نورماتيۆتىك قۇجاتتارعا اناليتيكالىق ساراپتاما جاساپ, مەملەكەتتىك سانيتاريالىق باقىلاۋ-قاداعالاۋ جۇمىسىن كۇشەيتۋى كەرەك. ۆاكتسينالاردى ساقتاۋ پروتسەسىن كۇشەيتۋ قاجەت. زەرتحانالاردىڭ جاۋاپتىلىعىن ارتتىرۋ قاجەت, ءتىپتى قىلمىستىق جازاعا دەيىن قاراستىرۋ كەرەك. مالدىڭ ءتولىن ەسكەرە وتىرىپ, جانۋارلاردىڭ اسا قاۋىپتى اۋرۋلارىنا قارسى ۆەتەريناريالىق پرەپاراتتاردى ۋاقتىلى ساتىپ الۋدى جۇزەگە اسىرۋ قاجەت, اۋرۋ مالدى ورتەيتىن قوندىرعىلاردى قالىپقا كەلتىرۋ كەرەك, ونىڭ ىشىندە مالدىڭ كونىن جانە توپىراعىن تازارتۋ بويىنشا جۇمىستاردى وڭتايلاندىرعان ابزال. شەتەلدىك تاجىريبەلەردى قاراي وتىرىپ, جانۋارلاردىڭ اسا قاۋىپتى اۋرۋلارىنىڭ ۆەتەريناريالىق ءىس-شارالارىن جوسپارلاۋ قاجەت. الەۋمەتتىك تولەمدەردى كوزدەپ جانە جالاقىنى كوتەرۋ ارقىلى كادرلار ماسەلەسىن كەشەندى شەشۋ قاجەت», دەپ تۇيىندەدى دەپۋتاتتىق ساۋالىن مارحابات جايىمبەتوۆ.
