اقان سەرى قورامسا ۇلى: اركىمنىڭ وزىنە لايىق قالىبى بار

XIX عاسىر

مۇرات موڭكە ۇلى

1) زامانعا قاراي ءسوز كەرەك.

2) ادامنىڭ ازعان بەلگىسى – ەكى كىسى داۋلاسسا,

تاتۋ بول دەپ ايتپايدى.

3) ءبىر پالەدەن – مىڭ پالە.

اقان سەرى قورامسا ۇلى

1) شىرىمەس – التىن جەردە جاتقانىمەن,

وق وتپەس – اجالسىزعا اتقانىمەن.

2) سۋ شىقپاس قازعانمەنەن تاۋ باسىنان,

قازاقتىڭ داۋ كەتپەيدى ساۋ باسىنان.

جولداسى سىر ايتىسقان جاۋ بوپ شىقسا,

ەر جىگىت جاڭىلادى ءتاۋباسىنان.

3) اركىمنىڭ وزىنە لايىق قالىبى بار.

4) قىزارعان بەت تابىلار, قىزىنعان نيەت تابىلماس.

5) جاماندى مىڭ كورگەنمەن ءىشىڭ سۇيمەس.

جامبىل جاباەۆ

1) ويحوي, دۇنيە – سەرۋەن, ادام – ءبىر كوشكەن كەرۋەن.

2) ەلدىڭ سەرتى – ەردىڭ سەرتى.

3) ەل ءۇشىن تۋعان ەرلەردىڭ, الدى-ارتى داريا كەڭ بولار.

شاڭگەرەي بوكەەۆ

1) جول توسقان جولبارىسقا قازالى قۇلان جولىعار.

2) ولگەندى قادىر ەتسەك – قانعا راۋا.

3) اڭسىراعان العىر تۇيعىن ابايسىز اۋعا شىرمالادى.

5) نە قاجەت ءنىل سۋىنا وتكەل سالىپ؟

نۇرجان ناۋشاباەۆ

1) بىلمەي شالقىپ سويلەۋدەن, سويلەمەي تۇرۋ بوس ارتىق,

بىلمەگەنگە باعاسىن, التىننان دا مىس ارتىق.

2) شاپپايتىن الماس قىلىشتان, قولداعى قامشىڭ كوپ ارتىق,

سۋى اششى تەڭىزدەن تومار دا بولسا كول ارتىق.

تۇرماعامبەت ىزتىلەۋوۆ

1) كۇن تۋسا, نۇر قاشادى ايدان-داعى,

جارلى جاقسى قايىرىمسىز بايدان-داعى.

2) اقىلىڭ استام بولعانمەن, ويلاسپاي ەتپە ءىسىڭدى.

پىشكەن تونىڭ كەڭەسپەن, كورىنەر كوزگە ءپىشىندى.

3) دۇنيەدەن ءومىر ءبىتىپ وتسەم دە ءوزىم,

ارالاپ جەردىڭ ءجۇزىن جۇرەر ءسوزىم.

كورە الماي كەيىنگىنى كەتتىم-اۋ دەپ,

ارماندا بولماي-اق قوي, ەكى كوزىم.

4) تاتۋلىقتىڭ قىزىعى – كەۋدەدەن جانىن شىققانشا.

5) ەستىدەن ەتكەن ءۇمىت ەش بولمايدى,

جاسالعان جاقسىلىقتا كەش بولمايدى.

(ەربول شايمەردەن ۇلى قۇراستىرعان «قازاق افوريزمدەرى» كىتابىنان ىرىكتەلىپ الىندى)