جەرگىلىكتى باق-تىڭ جازۋىنشا, وڭىردە 988 اققۋدىڭ ولەكسەسى تابىلعان. ونىڭ ىشىندە 20 شاقتىسى قاراقيا وڭىرىندەگى تەڭىز جاعاسىنان بايقالدى. بۇل تۋرالى اۋماقتىق ورمان شارۋاشىلىعى جانە جانۋارلار دۇنيەسى ينسپەكتسياسىنىڭ باسشىسى عابباس دوساتوۆ مالىمدەدى.
قاراقيا اۋدانىنىڭ اكىمدىگى بۇل اقپاراتتى راستادى. اۋدان اكىمىنىڭ ورىنباسارى اسان چۋكين تۇرعىنداردىڭ تەڭىز جاعاسىنا شىعۋىنا ۋاقىتشا شەكتەۋ ەنگىزىلگەنىن ايتتى.
- تابىلعان قىرىلعان اققۋدىڭ بارلىق ولەكسەسى جويىلدى. ارنايى كوميسسيا قۇرىلىپ, بەكىتىلگەن ءىس-شارالار جوسپارىنا ساي جۇمىس ىستەيدى. قازىر قۇستاردى ىزدەۋ ماقساتىندا جاعالاۋداعى اۋماقتار تەكسەرىلىپ جاتىر. ادامدارعا تەڭىز جاعاسىنا شىعۋعا ۋاقىتشا شەكتەۋلەر ەنگىزىلدى. پوليتسيا قىزمەتكەرلەرى جاعالاۋداعى اۋماقتاردى پاترۋلدەپ, ءۇي جانۋارلارى اۋرۋىنىڭ الدىن الۋ ماقساتىندا تۇرعىندارعا تەڭىز جاعالاۋىنا ۋاقىتشا بارماۋ كەرەك ەكەنىن ەسكەرتتى, - دەدى اسان چۋكين.
ونىڭ ايتۋىنشا, قاراقيا اۋدانىندا 2672 باس قۇس تىركەلگەن. قۇستاردى ۆاكتسينالاۋ 2023 جىلدىڭ قىركۇيەگىندە باستالدى. بۇگىندە 80%-ىنا ۆاكتسينا ەگىلگەن. الاڭداۋدىڭ قاجەتى جوق, بىراق قاۋىپسىزدىك شارالارىن ساقتاۋ ماڭىزدى.
2023 جىلدىڭ 27 جەلتوقسانىندا ماڭعىستاۋداعى قاراكول كولىنىڭ جاعاسىنان 30 اققۋدىڭ ولەكسەسى تابىلعان. بۇل تۋرالى ءۇستىرت مەملەكەتتىك تابيعي قورىعى حابارلادى. كەيىن اقتاۋ ماڭىندا 600 اققۋ قىرىلعانى بەلگىلى بولدى.
