دەپۋتات وقيعا ورىندا كوز جۇمدى. پوليتسيانىڭ مالىمەتىنشە, 15 قاڭتار كۇنى ساعات 15:25-تە پوليتسياعا ءۇشارال قالاسىندا سالىنىپ جاتقان نىسانداردىڭ بىرىندە الكوگولدىك ماس كۇيدەگى ەر ادامنىڭ جۇمىسشىلارعا ءتيسىپ جاتقانى تۋرالى حابارلاما كەلىپ تۇسكەن.
پوليتسيا قىزمەتكەرلەرى كەلگەن سوڭ, كۇدىكتى 24 جاستاعى جەرگىلىكتى تۇرعىن جۇمىسشىلارعا اراشا تۇسكەن 34 جاستاعى ەر ادامعا پىشاق جاراقاتىن سالىپ, كەيىن وقيعا ورنىنان بوي تاسالاعانى انىقتالدى. جابىرلەنۋشى وقيعا ورىندا كوز جۇمدى.
كوز جۇمعان ادامنىڭ الاكول اۋداندىق ءماسليحاتىنىڭ دەپۋتاتى داۋرەن سلياموۆ ەكەنى انقىتالدى.
- قوڭىراۋ تۇسكەننەن كەيىن بەس مينۋت ىشىندە وقيعا ورنىنا جەتكەن پوليتسيا قىزمەتكەرلەرى كۇدىكتىنى ۇستادى. ۇستالعان ازامات الاكول اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا جەتكىزىلدى. فاكت بويىنشا قىلمىستىق ءىس قوزعالىپ, قاجەتتى ساراپتامالار تاعايىندالدى. تەرگەۋ مۇددەسىنە ساي باسقا مالىمەتتەر جاريا ەتۋگە جاتپايدى, – دەلىنگەن جەتىسۋ وبلىستىق پوليتسيا دەپارتامەنتىنىڭ حابارلاماسىندا.
