وتكەن جىلدىڭ 11 ايىندا ايىرباستاۋ پۋنكتتەرىنىڭ رەسەي ءرۋبلىن تازا ساتۋى مۇلدەم تەرىس ءماندى كورسەتتى: مينۋس 1,7 ملرد تەڭگە (ياعني وتانداستارىمىز رۋبل ساتىپ العاننان ساتۋدى كوبەيتكەن). بىلتىر كورسەتكىش وڭ ماندە بولىپ, بىردەن 275,06 ملرد تەڭگە بولعان. ونىڭ ەسەسىنە ەل تۇرعىندارى قىتاي يۋانىنە ايتارلىقتاي قىزىعۋشىلىق تانىتا باستاعان. 2023 جىلعى قاڭتار-قاراشادا ايىرباستاۋ پۋنكتتەرىنىڭ وسى ۆاليۋتانى تازا ساتۋى شامامەن 1 ملرد تەڭگەنى قۇرادى – بۇل بىلتىرعى سايكەس كەزەڭمەن سالىستىرعاندا 7,9 پايىزعا جانە كوروناداعدارىس الدىنداعى 2019 جىلعىدان ەكى ەسە كوپ.
وڭىرلەر اراسىندا دوللار مەن ەۋرونى تازا ساتۋدىڭ ەڭ كوپ كولەمى ءىرى مەگاپوليستەردە تىركەلدى. ماسەلەن, الماتىدا دوللار مەن ەۋرونىڭ تازا ساتىلىمى 415,1 ملرد جانە 82,6 ملرد تەڭگە, شىمكەنتتە – 336,9 ملرد جانە 38 ملرد تەڭگە, استانادا – 143 ملرد جانە 28,3 ملرد تەڭگە بولدى. بۇل رەتتە ەۋروپالىق ۆاليۋتانى تازا ساتۋدىڭ تەرىس كولەمى تەك اقمولا وبلىسىندا عانا بايقالدى: مينۋس 174 ملن تەڭگە.
رەسەي ءرۋبلىنىڭ وڭ تازا ساتىلىمى 20 ءوڭىردىڭ 12-دە عانا بايقالدى. ەڭ كوپ كولەم شىعىس قازاقستان (12,6 ملرد تەڭگە), قاراعاندى (9,3 ملرد تەڭگە) جانە اقمولا (6,1 ملرد تەڭگە) وبلىستارىنا تيەسىلى. تازا ساتىلىمنىڭ تەرىس ءمانى نەگىزىنەن الماتى (-19 ملرد تەڭگە) جانە استانادا (-15,7 ملرد تەڭگە) تىركەلدى.
2023 جىلدىڭ قاڭتار-قاراشا ايلارىندا قىتاي ءيۋانىنىڭ تازا ساتىلىمى ەڭ كوپ الماتى (284,8 ملن تەڭگە), استانا (271,6 ملن تەڭگە) جانە پاۆلودار وبلىسىندا (103,4 ملن تەڭگە) بولدى. تەرىس ءمان ماڭعىستاۋ (-1,2 ملن تەڭگە) جانە تۇركىستان (-0,1 ملن تەڭگە) وبلىستارىندا عانا بايقالدى.
«2023 جىلعى قاراشاداعى دوللاردىڭ رەسمي باعامى ورتاشا ەسەپپەن 463,56 تەڭگەنى قۇرادى, بۇل بيىل قازانداعى ورتاشا دەڭگەيدەن 2,7 پايىزعا, ال 2022 جىلعى قاراشاداعىدان 0,05 پايىزعا عانا تومەن. قاراشادا ەۋرونىڭ ورتاشا باعامى 500,13 تەڭگەنى قۇرادى, بۇل وتكەن ايمەن سالىستىرعاندا 0,6 پايىزعا تومەن, بىراق 2022 جىلعى قاراشامەن سالىستىرعاندا 6 پايىزعا جوعارى. رەسەي ءرۋبلىنىڭ باعامى, كەرىسىنشە, ءبىر ايدا 4,5 پايىزعا ءوسىپ, بىلتىرعىمەن سالىستىرعاندا 32,7 پايىزعا تومەندەدى. قىتاي ءيۋانىنىڭ رەسمي باعامى 2023 جىلدىڭ قاراشاسىندا 64,08 تەڭگە بولدى – ءبىر اي بۇرىنعىدان 1,8 پايىزعا, ال بىلتىر قاراشاداعىدان 0,7 پايىزعا تومەن», دەپ مالىمدەدى Finprom.
