توپتىڭ عانا ەمەس, ءتۋرنيردىڭ ۇزدىكتەرىنىڭ قاتارىندا بولادى دەپ كۇتىلگەن وزبەكستان ويىنشىلارى بۇل جولى سيريا قۇراماسىنان ءۇش ۇپاي الا المادى. قوس تايمدا ويىن تىزگىنى وزبەكستاندىقتاردا بولعانىمەن, ماتچ سوڭىنا دەيىن ەسەپ اشىلعان جوق. قارىمتا شابۋىلدا سيريالىقتار دا قارسىلاس قاقپاسىنان ساڭىلاۋ تابا المادى. بۇل توپتا قوس كوماندادان بولەك, اۋستراليا مەن ءۇندىستان قۇرامالارى بار. توپتا ءبىرىنشى جانە ەكىنشى ورىنمەن شىققان كوماندالار پلەي-وفف كەزەڭىنە تىكەلەي جولداما الادى. «ۆ» توبىندا ءتۋرنيردىڭ تاعى ءبىر ايقىن ءفاۆوريتى اۋستراليا قۇراماسى ەكەنىن ەسكەرسەك, توپتان ەكىنشى ورىنمەن شىققاننىڭ ءوزى وزگە كوماندالارعا ۇلكەن ولجا بولعالى تۇر.
