كتك ارناسى جازعانداي, ويتكەنى باسپانانى جالعا بەرۋشىلەر كەزىندە ءبىر ايعا تەك 3450 تەڭگە سالىق تولەسە, ەندى جەكە كاسىپكەر رەتىندە تىركەلىپ, تابىسىنىڭ ءبىر پايىزىن مەملەكەتكە بەرەدى.
سونىمەن قاتار الەۋمەتتىك تولەمدەر دە بار. تيىسىنشە, كاسىپكەرلەر جالداۋ اقىسىن ءوسىرۋى مۇمكىن. بىراق ريەلتورلاردىڭ پىكىرى مۇلدە بولەك.
پاتەردى جالعا بەرىپ تابىس تابۋ ەلىمىزدە كەڭ تارالعان كاسىپتىڭ ءبىر ءتۇرى. ماسەلەن, الماتىدا 250 مىڭعا جۋىق ادام شاعىن جانە ورتا بيزنەسپەن اينالىسادى. ال سونىڭ 20 مىڭى پاتەردى جالعا بەرىپ كۇن كورۋدە. الايدا ولار بيىلدان باستاپ تابىسىنا ساي سالىق تولەيتىن بولادى. ال كاسىپكەردىڭ شىعىسى كوبەيسە, تاۋار قۇنىن كوتەرە سالاتىنى بارىنە ءمالىم.
- بىرىڭعاي جيىنتىق تولەمنىڭ توقتاتىلۋى پاتەردى نەمەسە ءۇيدى جالعا بەرەتىندەرگە تىكەلەي تيەدى. ەندى ءوز-ءوزىن جۇمىسپەن قامتىپ وتىرعاندار سالىقتان بولەك الەۋمەتتىك تولەم, زەينەتاقى اۋدارىمى مەن مەديتسينالىق ساقتاندىرۋدى تولەيدى. سايكەسىنشە, ەگەر بۇل سومانى جالعا بەرۋشىنىڭ قالتاسى كوتەرمەسە, ارينە, پاتەرىنىڭ جالداۋ اقىسىن كوتەرەدى, – دەيدى جىلجىمايتىن م ۇلىك مامانى اسەل دوسىمبەكوۆا.
وتكەن جىلدىڭ قورىتىندىسى بويىنشا جالعا بەرىلەتىن پاتەردىڭ قۇنى ورتا ەسەپپەن ءبىر شارشى مەترىنە 3200 تەڭگە بولىپتى. الدىڭعى جىلمەن سالىستىرعاندا ءتورت جارىم پايىزعا قىمباتتاعان. قۇنى جوعارى پاتەرلەر بويىنشا كوشتى باستاپ تۇرعان الماتى, كەيىن استانا. نەگىزىندە جالداۋ اقىسىنىڭ قۇنى كوبىنە سۇرانىسقا بايلانىستى.
- بىرىڭعاي جيىنتىق تولەمنىڭ توقتاتىلۋى نارىققا قالاي اسەر ەتەتىنىن ناقتى ايتۋ قيىن. كەيبىر جالعا بەرۋشىلەر سالىق سوماسىن جالداۋ اقىسىنىڭ ۇستىنە قوسۋى مۇمكىن. بىراق باسپانانى جالداۋ نارىعىنا الدەقايدا كوبىرەك اسەر ەتەتىن – سۇرانىس, – دەيدى جىلجىمايتىن م ۇلىك سايتىنىڭ شولۋشىسى يرينا ميلياروۆا.
ال نارىقتاعى سۇرانىس ءماز ەمەس.
- ءبىز بىلتىر تولىق جيھاز قويىلعان, جوندەلگەن جاڭا تۇرعىن ءۇي كەشەنىندە ەكى بولمەلى, 45 شارشى مەتردەن باستاپ, 400-500 مىڭعا وڭاي وتكىزەتىنبىز. قازىر 400-ءدىڭ وزىنە سۇرانىس جوق. ويتكەنى ۇسىنىس كوپ, – دەيدى ريەلتور نازگۇل سماعۇلوۆا.
اتالمىش وزگەرىسكە بايلانىستى جالداۋ اقىسىنىڭ كوتەرىلۋى ەكىتالاي دەيدى ريەلتورلار. بىراق نارىقتى نە كۇتىپ تۇرعانىن ەشكىم ءدوپ باسىپ ايتا المايدى. سۇرانىس ارتسا, بىرىڭعاي جيىنتىق تولەمنىڭ بار-جوعىنا قاراماي باعانىڭ قايتا شارىقتايتىنى جاسىرىن ەمەس.
