تۇعىرى بيىك تۇلعالار

ءىس-شارانىڭ ماقساتى – وسكەلەڭ ۇر­پاق­قا حالقىمىزعا تانىمال تۇلعالاردى تا­نىستىرىپ, كىتاپ وقۋ مادەنيەتىن قالىپ­تاستىرىپ, اكادەميالىق كىتاپحانانىڭ بەدەلىن كوتەرۋ.  يلليۋستراتسيالى كىتاپ كورمەسىنە بيىل 155 جىلدىعى اتالىپ وتىلەتىن  مۋزىكا زەرتتەۋشىسى, كومپوزيتور الەكساندر زاتاەۆيچتىڭ, تۋعانىنا 145 جىل تولاتىن الاش قوزعالىسىنىڭ نەگىزىن سالۋشىلاردىڭ ءبىرى – قازاقتان شىققان تۇڭعىش تەمىرجول ينجەنەرى, كورنەكتى مەملەكەت جانە قوعام قايراتكەرى مۇحامەدجان تىنىشباەۆتىڭ,  ايگىلى حالىق اقىنى, سال-سەرىلىك ءداستۇردىڭ سوڭعى وكىلى, ءانشى-كومپوزيتور كەنەن ازىرباەۆتىڭ 140 جىلدىعىنا بايلانىستى ماڭىزدى قۇجاتتار, فوتولار ۇسىنىلدى. سونىمەن قاتار حالقىمىز ء«ۇش بايتەرەك» دەپ ارداق تۇتقان ساكەن سەيفۋللين, ءىلياس جانسۇگىروۆ, بەيىمبەت ءمايليننىڭ 130 جىلدىق مەرەيتويلارىنا وراي ولاردىڭ شىعارماشىلىق جولىن بەدەرلەگەن كىتاپتارى ورىن الدى.

سونداي-اق ۇلى عالىم قانىش ساتباەۆتىڭ 125 جىلدىعى مەن ۇلتتىق بەينەلەۋ ونەرىنىڭ نەگىزىن قالاۋشىلاردىڭ ءبىرى ءابىلحان قاستەەۆتىڭ 120 جىلدىعى جانە اسا كورنەكتى رەجيسسەر, تالانتتى اكتەر شاكەن ايمانوۆتىڭ 110 جىلدىعىنا ارناپ جاسالعان سورەدەن وسى ارداقتى ازاماتتارعا قاتىستى سيرەك كەزدەسەتىن سۋرەتتەر مەن قۇجاتتارى توپتاستىرىلعان. ەكىنشى دۇنيەجۇزىلىك سوعىستا ەرەن ەرلىك كورسەتكەن كەڭەس وداعىنىڭ باتىرلارى راقىمجان قوشقارباەۆ پەن ءاليا مولداعۇلوۆانىڭ  100 جىلدىعىنا  بايلانىستى دا ولاردىڭ ەرلىك جولىن بايان­دايتىن مازمۇندى دۇنيەلەر تانىستىرىلدى. بيىل  كلاسسيك قالامگەر بەردىبەك سوقپاقباەۆتىڭ عاسىرلىق تويى يۋنەسكو كولەمىندە تويلانادى. سوعان وراي كورمەدە بالالار ادەبيەتى دارابوزىنىڭ شىعارماشىلىق مۇراسى كەڭ كولەمدە قامتىلعان. سونىمەن بىرگە مادەني ءىس-شاراعا كەلۋشىلەر ادەبيەت ابىزى ءابدىجامىل نۇرپەيىسوۆتىڭ 100 جىلدىعى مەن قازاق ادەبيەتىنىڭ قوس كورنەكتى وكىلى – ءابىش كەكىلباي ۇلى مەن فاريزا وڭعارسىنوۆانىڭ 85 جىلدىعى جانە باسقا دا تانىمال تۇلعالاردىڭ مەرەيتويلارىنا قاتىستى باس-اياعى 500-گە جۋىق قۇندى قۇجاتتى قىزىعا تاماشالادى.

بۇل كورمە كىتاپحانا وقىرماندارىنا  تۇراقتى تۇردە جىل بويى ۇسىنىلادى.