بۇل ورايدا ءتيىستى قولداۋلار كورسەتىلدى. «تۇران-سۋ» مەكەمەسى قاجەتتى قۇرال جابدىقتار مەن تەحنيكالارمەن تولىق قامتاماسىز ەتىلدى. مەحانيكالىق تازالاۋ جۇمىستارىن وندىرىستىك كەستەگە سايكەس اياقتاۋ مىندەتتەلگەن. سۋ شارۋاشىلىعى جۇيەلەرىن كۇتىپ ۇستاۋ, ەلدى مەكەندەردىڭ تىنىس-تىرشىلىگىن اعىن سۋمەن قامتاماسىز ەتۋ باستى نازاردا. وبلىس اكىمى دارحان ساتىبالدى اكىمدىك اپپاراتىنىڭ اپتالىق وتىرىسىندا سۋ تاسقىنىنىڭ الدىن الۋ ماقساتىندا ءتيىستى شارالار ءوز مەرزىمىندە ورىندالىپ, وبلىس اۋماعىنداعى بوگەتتەردى نىعايتۋ, ارىقتار مەن كانالدار جۇيەلەرىن تازالاۋ جۇمىستارىن جۇرگىزۋدى تاپسىردى. گيدروتەحنيكالىق قۇرىلىستاردىڭ جاعدايى جان-جاقتى تەكسەرۋدى, جاۋاپتى مەكەمەلەرگە كورشى مەملەكەتتەن كەلەتىن سۋ مولشەرىن باقىلاۋدا ۇستاپ, دۇرىس ۇيلەستىرۋدى جۇكتەدى. بيىل سۋ تاسقىنىنا جول بەرىلمەۋى كەرەكتىگىن ايتتى. ال تۇركىستان وبلىسى توتەنشە جاعدايلار دەپارتامەنتىنىڭ باستىعى اسقار تولەشەۆ جوسپارلانعان 20 ءىس-شارانىڭ 19-ى تولىعىمەن اياقتالعانىن جەتكىزدى. ال 1 ءىس-شارا ياعني, «قاراسپان» سۋ تورابىنداعى جۇمىستاردىڭ 45 پايىزى اياقتالعان. «تۇران سۋ» مەكەمەسىمەن جوسپاردان تىس قوسىمشا كەلەس, اقسۋ وزەنى بويىندا 1,3 شاقىرىم ارنا جاعالاۋى رەتتەلىپ, 748,8 قوي تاستارى جانە 416 دانا گابيون تورلارىمەن بەكىتىلگەن. سونداي-اق دەپارتامەنت باستىعى اتقارىلعان جۇمىستاردىڭ ناتيجەسىندە سارىاعاش, سايرام, كەلەس, ورداباسى اۋداندارىنىڭ 20 ەلدى مەكەنىندە سۋ تاسقىنى قاۋپى سەيىلگەنىن ءمالىم ەتتى. دەپارتامەنتتىڭ اۋماقتىق بولىمشەلەرىمەن وتكەن جىلدىڭ قاراشا ايىندا ەلدى مەكەندەردىڭ دايىندىعى تەكسەرىلىپ, 7 اۋدان, قالانىڭ 40 ەلدى مەكەننىڭ دايىن ەمەستىگى تۋرالى حابار بەرىلگەن. قازىرگى تاڭدا 29 ەلدى مەكەندە كەمشىلىكتەر جويىلدى. تاسقىنعا قارسى 101 مىڭ دانا قاپ, 8 مىڭ توننا جانار-جاعارماي قورى مەن 40 ملن تەڭگە كولەمىندەگى ازىق-ت ۇلىككە مەموراندۋم جاسالىپ, 296 بىرلىك ينجەنەرلىك تەحنيكا ازىرلەنگەن. سونىمەن قاتار توتەنشە جاعدايلار دەپارتامەنتىنىڭ 175 جەكە قۇرامى مەن 144 قۇرالى, «تۇران سۋ» مەكەمەسىنىڭ 40 بىرلىك ينجەنەرلىك تەحنيكاسى دايىن. قيىن جاعدايداعى «قاپشاعاي», «ىرماق-وزەن» «مايدانتال» سۋ قويمالارى كۇردەلى جانە اعىمداعى جوندەۋدەن وتكىزىلگەن. ال «شاردارا» سۋ قويماسى مەن «كوكساراي» سۋ رەتتەگىشىندە تاسقىن سۋدى قابىلداۋعا شامامەن 4 ملرد تەكشە مەتر كولەمىندە بوس قورى بار.
«تۇران-سۋ» شجق مكك باسشىسى دوسحان لەسوۆتىڭ ايتۋىنا قاراعاندا, 2023-2024 جىلدارداعى سۋ تاسقىنىنا قارسى ازىرلەنگەن ينجەنەرلىك جوسپار بويىنشا اۋدان, قالا اكىمدىكتەرىنىڭ سۇرانىسى نەگىزىندە تەحنيكالار ءبولىنىپ, 6 اۋدان, قالاداعى تاسقىن سۋدى وتكىزەتىن 47,5 شاقىرىم وزەن ارنالارى مەن ارىقتار تازارتىلعان. اۋداندار مەن ارىس قالاسى اكىمدىكتەرىمەن بىرلەسكەن ءىس-شارا ءتۇزىلىپ, جوسپارلانعان 679,7 شاقىرىم كانالداردىڭ, بۇگىنگى تاڭدا 659,9 شاقىرىمىنا تازالاۋ جۇمىستارى جۇرگىزىلگەن. قاڭتار ايىنىڭ 20-نا دەيىن جوسپار تولىق ورىندالادى. مامانداردىڭ مالىمدەۋىنشە, اتقارىلعان جۇمىستاردىڭ ناتيجەسىندە شارۋالارعا اعىن سۋدى جەتكىزۋ مۇمكىندىگى ارتىپ, سۋ شىعىندارى ازايىپ, ەلدى مەكەندەر جانە ينفراقۇرىلىمدىق نىسانداردى سۋ باسۋ قاۋپى جويىلدى. مەكەمە باسشىسىنىڭ مالىمەتىنشە, كاسىپورىندا توتەنشە جاعدايعا قارسى 130 توننا ديزەل وتىنى, 420 تەكشە مەتر قوي تاسى, 3 300 دانا قاپ, 200 دانا گابيوندىق تور, 20 توننا تسەمەنت, 48 دانا پليتا بار. وبلىس اكىمىنىڭ قولداۋىمەن كاسىپورىنعا وبلىستىق بيۋدجەتتەن 2 ەكسكاۆاتور, 3 بۋلدوزەر جانە 2 تۇرعىنجاي ۆاگونى الىنعان. سونداي-اق ءبولىپ تولەۋ نەگىزىندە «JCB» جانە «HITACHI» ماركالى 39 ەكسكاۆاتورمەن قامتاماسىز ەتىلىپ, 14 ەكسكاۆاتور 8 اۋدان, قالا اكىمدىكتەرىنە كەيىننەن ساتىپ الۋ تارتىبىمەن جالعا بەرىلگەن.
تۇركىستان وبلىسى
