بۇل – مەملەكەت باسشىسىنىڭ «ەل ەكونوميكاسىنا ينۆەستيتسيالار تارتۋ جونىندەگى جۇمىستىڭ تيىمدىلىگىن ارتتىرۋ جونىندەگى شارالار تۋرالى» جارلىعى قابىلدانعاننان كەيىن كەڭەستىڭ جاڭا فورماتتا وتكەن بەسىنشى وتىرىسى.
وتىرىس بارىسىندا اۋىل شارۋاشىلىعى مەن دەنساۋلىق ساقتاۋ سالالارىنا ينۆەستيتسيالار تارتۋ جونىندەگى جۇمىستى جۇيەلەندىرۋ ماسەلەلەرى, سونداي-اق ناقتى ينۆەستيتسيالىق جوبالاردى ىسكە اسىرۋدىڭ پروبلەمالىق ماسەلەلەرى قارالدى.
وتىرىس قورىتىندىسى بويىنشا رومان سكليار مەملەكەتتىك ورگاندار مەن ۇيىمدارعا ينۆەستورلاردىڭ پروبلەمالىق ماسەلەلەرىن قىسقا مەرزىمدە شەشۋ جونىندە بىرقاتار تاپسىرما بەردى.
رومان سكليار اتاپ وتكەندەي, بۇل ءۇشىن قاجەتتى قۇرالدار مەن وكىلەتتىكتەردىڭ بارلىعى بار.
جالپى, 2023 جىلى كەڭەستىڭ 15 وتىرىسى ءوتتى. جالپىۇلتتىق پۋل اياسىندا ينۆەستيتسيالىق جوبالاردى ىسكە اسىرۋ ماسەلەلەرى, ەلدىڭ ينۆەستيتسيالىق احۋالىن جاقسارتۋ جونىندەگى شارالار قارالىپ, جۇيەلى پروبلەمالىق ماسەلەلەردى شەشۋ جولدارى (ينفراقۇرىلىم جۇرگىزۋ, ينۆەستيتسيالىق سۋبسيديالار, شيكىزاتتى جەتكىزۋ, شەنەۋنىكتەردىڭ نەمقۇرايدىلىعى, مۇددەلەر قاقتىعىسى, اكىمشىلىك كەدەرگىلەر) ازىرلەندى.
جىل بويى شەتەلدىك جانە وتاندىق كومپانيالاردىڭ بىرقاتار ناقتى پروبلەمالىق ماسەلەسى شەشىلدى.
ينۆەستورلاردىڭ پروبلەمالىق ماسەلەلەرىن جەدەل شەشۋ جانە جۇيەلىك كەدەرگىلەردى جويۋ بويىنشا بەلسەندى جۇمىس جالعاساتىن بولادى.
