تۇركى الەمىنىڭ تۋريستىك استاناسى

وڭىردەگى باسىم باعىتتاردىڭ ءبىرى سا­نالاتىن سالانى دامىتۋ ءۇشىن تۇجى­رىمداما ازىرلەنبەك. تۋريستىك الەۋەت جان-جاقتى زەرتتەلۋدە. شەت مەملەكەتتەرمەن اۆتوبۋس, اۋە باعىتتارى اشىلىپ جاتىر. وسى سىندى جۇمىستار نا­تي­جەسىندە بىلتىرعى 10 ايدا وبلىسقا زيا­­رات ءتۋريزمى باعىتىندا 868 203 ادام كەلدى.

تۇركىستان وبلىسى – تاريحي جانە مادەني مۇراعا باي جانە اشىق اسپان استىنداعى وزىندىك مۇراجاي. وبلىس اۋماعىندا 1 770 تاريح جانە مادەنيەت ەسكەرتكىشى بار. وتكەن جىلدىڭ 11 ايىنىڭ قورىتىندىسى بويىنشا, وبلىسقا تاريحي-تانىمدىق ءتۋريزمى ماقساتىندا 919,5 مىڭ ادام كەلگەن. مىسالى, «ازىرەت سۇلتان» مەملەكەتتىك تاريحي-مادەني قورىق-مۋ­زەيى­نە ءبىر كۇندىك كەلۋشىلەر سانى 646 378 ادام بولسا, «وتىرار» مەملەكەتتىك ارحەو­لوگيالىق قورىق-مۋزەيىنە ءبىر كۇندە 273 191 ادام كەلگەن.

سونداي-اق كەيىنگى جىلدارى ەكوتۋريزم قارقىندى دامۋدا. وبلىستا 4 ەرەكشە قورعالاتىن تابيعي نىسان – «اقسۋ-جاباعىلى» جانە «قاراتاۋ» قو­رىقتارى, «سايرام-وگەم» ۇلتتىق تا­بيعي پاركى, «سىرداريا-تۇركىستان» وڭىر­لىك تابيعي پاركى ورنالاسقان. جالپى, تابيعي اۋماقتاردا 99 دەمالىس ورنى, 62 قوناقۇي, 12 شيپاجاي قىزمەت كورسەتۋدە, 30 تۋريستىك مارشرۋت قۇرىلعان. وتكەن جىلدىڭ باسىنان بەرگى 11 ايدا تابيعي اۋماقتارعا كەلۋشىلەردىڭ سانى 124,9 مىڭ ادامدى قۇراپ وتىر. ياعني الدىڭعى جىلمەن سالىستىرعاندا تابيعي اۋماقتارعا كەلۋشىلەر سانى 2 ەسە ارتقان. بۇل ورايدا «قاراتاۋ» مەملەكەتتىك تا­بيعي قورىعىندا ەكولوگيالىق ءتۋريزمدى دامىتۋ ماقساتىندا 22 گەكتار جەر تەلىمى قاراستىرىلعان. اتالعان اۋماقتا 2 تۋريستىك مارشرۋت قۇرىلعان. ال «سايرام-وگەم» مۇتپ اۋماعىنىڭ 11,7%-ى نەمەسە 17 519 گەكتار جەر تەلى­مى رەكرەاتسيالىق جانە تۋريستىك قىز­مەت ايماعى بولىپ سانالادى. اتالعان اۋماقتا كەلۋشىلەرگە ارناپ 11 تۋريستىك سوقپاق ۇيىمداستىرىلعان. قازىرگى تاڭدا پارك اۋماعىنداعى جالپى اۋدانى 343,2 گەكتار 29 جەر تەلىمى تۋريستىك جانە رە­كرەاتسيالىق ماقساتتا پايدالانۋعا بە­رىلگەن. جەر پايدالانۋشىلار ەسەبىنەن پارك اۋماعىندا 6 دەمالىس ءۇيى, 1 اڭشىلار ءۇيى, 2 كيىز ءۇي جۇمىس ىستەپ تۇر.

وبلىس – رەسپۋبليكانىڭ ساۋىقتىرۋ ءتۋريزمى دامىعان وڭىرلەرىنىڭ ءبىرى. ءتۋريزم­نىڭ بۇل باعىتى بويىنشا وبلىس­تا نومىرلىك قورى 8 مىڭ توسەكتىك ورىن بولاتىن 72 ەمدەۋ-ساۋىقتىرۋ ورنى جۇمىس ىستەيدى. قوسىمشا 3 كەشەندى پاي­دالانۋعا بەرۋ جوسپارلانىپ وتىر. بىل­تىر ەمدەۋ-ساۋىقتىرۋ ورىندارىندا 142,7 مىڭ ادامعا قىزمەت كورسەتىلگەن. وتكەن 9 ايدا بۇل كورسەتكىش 192,8 مىڭ بولعان. ورنالاستىرۋ ورىندارىمەن كور­سەتىلگەن قىزمەتتەر كولەمى ءىىى توقسان قورى­تىندىسىمەن 4,2 ملرد تەڭگەنى قۇراعان.

وبلىستىق مادەنيەت جانە تۋريزم باسقارماسىنىڭ مالىمەتىنشە, تۋريستىك نىسانداردىڭ ينفراقۇرىلىمىن جەتىل­دىرۋ ماقساتىندا جالپى سوماسى 34,7 ملرد تەڭگەگە 10 جوبا جۇزەگە اسىرىلىپ جاتىر. ونىڭ ىشىندە تۇركىستان – ارىستانباب جانە تۇركىستان – قارناق باعىتىنداعى تاسجولداردى جوندەۋ جوبالارى قامتىلعان. ال تۋريزم سالاسىنا تارتىلعان ينۆەستيتسيا كولەمى 363 ملرد تەڭگەدەن اسىپ وتىر. رەسمي ستاتيستيكالىق دەرەكتەرگە سايكەس, 2023 جىلعى 10 اي قورىتىندىسىمەن تۋريزم سالاسىنداعى نەگىزگى كاپيتالعا ينۆەس­تيتسيالار كولەمى 43,6 ملرد تەڭگەنى قۇ­رادى. وبلىس اۋماعىندا ىسكە اسىرىلاتىن تۋريستىك ينۆەستيتسيالىق جوبالار پۋلى ازىرلەنگەن. وعان سايكەس 2023-2024 جىلدارعا جالپى سوماسى 37,9 ملرد تەڭگەگە 42 تۋريستىك ينۆەستيتسيالىق جوبالار قۇرىلىسى جۇرگىزىلىپ جاتىر.

سونداي-اق تۇركىستان قالاسىندا مادەني-رۋحاني ارنايى اۋماعى قۇرىلدى. اۋماقتا « ۇلى دالا ەلى» ورتالىعى, شىعىس مونشاسى, امفيتەاتر, مۋزىكالىق سۋبۇرقاق, قابىلداۋ ورتالىعى سەكىلدى مادەني نىساندار بوي كوتەردى. سونىمەن قاتار تۇركىستان قالاسىندا اۋەجاي سالىندى. حالىقارالىق تۋريزم جانە مەي­ماندوستىق ۋنيۆەرسيتەتى اشىلدى, «كەرۋەن ساراي» تۋريستىك كەشەنى ساياحاتشىلارعا قىزمەت كورسەتۋدە. كە­لۋشى تۋريستەر سانىن ارتتىرۋ ماق­ساتىندا بيىل تۇركىستان – تاشكەنت – نۋرافشان باعىتىندا حالىقارالىق اۆتوبۋس رەيسى اشىلدى. الداعى قاڭتار ايىنان باستاپ بىرىككەن اراب امىر­لىكتەرىنە تۇركىستان – ابۋ دابي حا­لىقارالىق تۇراقتى اۋە رەيسى ىسكە قو­سىلادى. وبلىستا تۋريزم سالاسىندا جۇمىس اتقاراتىن ادامدار سانى 17 مىڭعا جەتكەن. تۇركىستان قالاسىنىڭ تۇركى الەمىنىڭ تۋريستىك استاناسى اتانۋىنا وراي كەلەر جىلى باسقارما تاراپىنان 30-دان اسا وقيعالىق ءىس-شارا وتكىزۋ جوس­پارلانىپ وتىر.

ايتا كەتەلىك, جۋىردا استانا قالا­سىندا وتكەن ءىس-شارادا تۇركىستان وب­لىسىنىڭ ءۇش بىردەي تۋريستىك قىز­مەت كورسەتۋ ۇيىمى «ساپا بەلگىسى» باعدارلاماسى تالاپتارىنا ساي كەلگەنى ءۇشىن ەرەكشەلىك بەلگىسىمەن ماراپاتتالدى. اتاپ ايتقاندا, «Rixos Turkistan» قوناقۇيى, «Top Tobe Grand Hall» كەشەنى جانە «Turan Tour» جك تۋريزم يندۋسترياسىنداعى ەرەكشە مارتەبە يەگەرى اتاندى. سونداي-اق تۇركىستان وبلىسى مادەنيەت جانە تۋريزم باسقارماسىنا قاراستى «Open Turkistan» تۋريستىك اقپاراتتىق ورتالىعىنىڭ دا ماماندارى ارنايى العىسحاتقا يە بولدى.

تۇركىستان وبلىسى