فوتو: اشىق دەرەككوز
ءتىنتۋ جۇمىستارى بارىسىندا كۇدىكتىدەن جالپى سالماعى 4,88 گرامم مەفەدرون ەسىرتكى زاتى سالىنعان 11 تۇيىرشىك تابىلدى. پوليتسەيلەر سينتەتيكالىق ەسىرتكىنى تاركىلەپ الدى.
انىقتالعانداي, ۇستالعان شەتەلدىك «كۋرەر», دالىرەك ايتقاندا, ەسىرتكىنى جاسىرىپ قويىپ كەتۋشى بولىپ جۇمىس ىستەگەن. ول Telegram-چاتتاعى توپ باسشىسىنان ەسىرتكى زاتتارى جاسىرىلعان جەردىڭ كوورديناتتارىن الىپ, ولاردى ارى قاراي اقتوبە قالاسى بويىنشا تاراتىپ جۇرگەنىن مويىندادى.
ناتيجەسىندە قر قىلمىستىق كودەكسىنىڭ 297-بابى (اسا ءىرى مولشەردە ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز ساقتاۋ, تاسىمالداۋ) بويىنشا سوتقا دەيىنگى تەرگەپ-تەكسەرۋ جۇرگىزىلدى.
اقتوبە وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن وزبەكستان رەسپۋبليكاسىنىڭ ازاماتى قىلمىس جاساعانى ءۇشىن كىنالى دەپ تانىلىپ, 10 جىلعا باس بوستاندىعىنان ايىرىلدى.
