فوتوسۋرەت: ا.بايجۇمانوۆ
سەناتورلاردىڭ ايتۋىنشا, قۇجات جەر قويناۋىن پايدالانۋ جونىندەگى وپەراتسيالاردى جۇرگىزۋدى جاقسارتۋعا, اتاپ ايتقاندا, گەولوگيالىق بارلاۋ جۇمىستارىنا ءىس جۇزىندە جەدەل كوشۋگە, بارلىق ساراپتامانىڭ مەرزىمىن قىسقارتۋعا, راسىمدەر بويىنشا اكىمشىلىك شىعىنداردى 2 ەسەدەن استام جويۋعا مۇمكىندىك بەرەدى.
قۇجاتتا سونىمەن قاتار ۋاكىلەتتى ورگاننىڭ جەر قويناۋىن زەردەلەۋ جونىندەگى KazRC ستاندارتىنا سايكەس دايىندالعان ەسەپتەردى تەكسەرۋ مۇمكىندىگىن ساقتاۋ, رەسۋرستار مەن قورلار 25 پايىزدان استامعا تومەندەگەندە ۋاكىلەتتى ورگاننىڭ پايدالى قاتتى قازبالار كەن ورىندارىن بارلاۋ جونىندەگى ەڭ تومەنگى تالاپتاردى بەلگىلەۋى, جەر قويناۋى جانە جەر قويناۋىن پايدالانۋ جونىندەگى ەسەپ-قيساپتا ءدال ەمەس مالىمەتتى جاسىراتىن نەمەسە كورىنەۋ ۇسىناتىن ادامداردىڭ جاۋاپكەرشىلىگىن كۇشەيتۋ تۋرالى تۇزەتۋلەر ۇسىنىلعان.
وتىرىس قورىتىندىسى بويىنشا دەپۋتاتتار زاڭدى پالاتانىڭ قاراۋىنا جىبەرۋ تۋرالى شەشىم قابىلدادى.
