اتالعان فەدەراتسيانىڭ پرەزيدەنتى قۋانىشبەك ەسەكەەۆتىڭ جەتەكشىلىگىمەن وتكەن ءىس-شاراعا وسى كۇرەس ءتۇرىنىڭ باسى-قاسىندا جۇرگەن بەلدى ماماندار قاتىستى. ناتيجەسىندە, جىلدىڭ ەڭ ۇزدىك دزيۋدوشى دەپ تانىلعان ءابيبا ابۋجاقىنوۆاعا 5 مىڭ دوللار تابىس ەتىلدى. 26 جاستاعى سپورتشىمىز بيىل ازيا ويىندارىندا كۇمىس مەدالدى يەلەنىپ, پورتۋگالياداعى گران-پري تۋرنيرىندە التىننان القا تاقتى. پاريج جانە تبيليسيدەگى گراند-سلەم دوداسىندا قولاعا قول سوزدى. ءتۇرلى تۋرنيرلەردە تابىستى ونەر كورسەتكەن ماعجان شامشادين, ەسميگۇل كۋيۋلوۆا, ابىلايحان جۇبانازار جانە نۇرلىحان شارحان 3 مىڭ دوللاردان السا, جانارىس راحمەتقالي, تالعات ورىنباسار, نۇرلان يساتاەۆ, بالعاباي دوسبول, سابينا يۋلداشبەكوۆا, ورالبەك بايزاق, بەرىكبول جۇمانبەكوۆ سىندى جاستار مەن جاسوپىرىمدەر بۋىنىنىڭ وكىلدەرىنە دە اقشالاي سىيلىقتار تابىس ەتىلدى.
سونداي-اق بىرقاتار مىقتى بالۋان مەن بىلىكتى ماماننىڭ دا ەڭبەكتەرى ەسكەرۋسىز قالعان جوق.
