قاتىسۋشىلار اۋىل شارۋاشىلىعىنداعى ونىمدىلىكتى ارتتىرۋ, يمپورتتى الماستىراتىن جاڭا ينۆەستيتسيالىق جوبالاردى ىسكە قوسۋ جونىندەگى شارالاردى, سونداي-اق جەڭىلدىكپەن نەسيە بەرۋ, سۋبسيديالاۋ, كوكتەمگى ەگىس جۇمىستارىن جۇرگىزۋ جانە باسقا دا بىرقاتار ماسەلەنى تالقىلادى.
الداعى جىلدارى ەت, بيداي, ءسۇت جانە باسقا دا شيكىزاتتى وڭدەۋ جوبالارىنا باسىمدىق بەرىلەتىنى اتاپ ءوتىلدى. اتاپ ايتقاندا, اوك سالاسىنداعى ءىرى ونەركاسىپ جوبالارىن ىسكە اسىرۋ بويىنشا سقو-نىڭ تاجىريبەسىن باسقا وڭىرلەرگە تاراتۋ جۇمىستارى جالعاسپاق.
پرەمەر-مينيستر مەملەكەت ءارى قاراي دا اۋىل شارۋاشىلىعىن دامىتۋعا كەشەندى قولداۋ كورسەتەتىنىن اتاپ ءوتتى. بۇل رەتتە نەگىزگى ماقساتتاردىڭ قاتارىندا ساپالى ازىق-ت ۇلىك ءوندىرىسىن ۇلعايتۋ جانە جاڭا جۇمىس ورىندارىن قۇرۋ شارالارى بار.
سونىمەن قاتار ءاليحان سمايىلوۆ مەملەكەتتىك قاراجاتتىڭ ءتيىمدى يگەرىلۋىنە باقىلاۋدى كۇشەيتۋدى تالاپ ەتتى. بۇل, سونداي-اق قولداعى قورلاردى ىسكە قوسۋعا, جاڭا سۋبسيديالاۋ تاسىلدەرىن ازىرلەۋگە, جوبالاردى ساپالى تۇردە ىرىكتەۋگە جانە تاۋار وندىرۋشىلەردىڭ قارسى مىندەتتەمەلەردى ساقتاۋىنا دا قاتىستى.
تالقىلاۋ قورىتىندىسى بويىنشا پرەمەر-مينيستر ۋاكىلەتتى مەملەكەتتىك ورگانعا بىرقاتار تاپسىرما بەردى.
