اتالعان كوماندالاردىڭ ەكەۋىنىڭ دە قازىرگى جاعدايى مۇشكىل. قورجىنىندا نەبارى 31 ۇپايى بار «بارىس» قحل-دىڭ تۇراقتى بىرىنشىلىگىنىڭ جارىس كەستەسىندە ەڭ سوڭعى ورىنعا تۇراقتاسا, 32 ۇپايدى ەنشىلەگەن «سوچي» جەرلەستەرىمىزدەن نەبارى ەكى ساتى عانا جوعارى تۇر. «قاۋىپتى ايماقتان» شىعۋ ءۇشىن قوس كوماندا ابدەن جانتالاستى. نەگىزگى ۋاقىتتا ولار ءبىر-ءبىرىن الا المادى. باسەكە باستالعان بەتتە دجەرەمي براككو قوناقتاردى العا شىعارسا, ەنتوني كامارا لەزدە ەسەپتى تەڭەستىردى – 1:1 ۇزىلىستەن كەيىن داۆيد سكلەنيچكا جەرگىلىكتى جانكۇيەلەردى قۋانتسا, ارادا ەكى مينۋت وتكەندە كيريلل راسسكازوۆ مەرگەندىك تانىتتى – 2:2. ءۇشىنشى كەزەڭدە قاقپاعا بىردە-ءبىر شايبا ەنبەدى. ال وۆەرتايمدا اركادي شەستاكوۆ سوققان گول استانالىقتارعا جەڭىس سىيلادى – 3:2.
