«بۇگىن ب.مومىش ۇلى اتىنداعى № 53 مەكتەپ-ليتسەيىنىڭ جاڭا كورپۋسىنىڭ سالتاناتتى اشىلۋ ءراسىمى ءوتتى. شامامەن 3 جىل بويى ءبىزدىڭ مەكتەپ ءۇش اۋىسىمدا جۇمىس ىستەپ كەلدى. وسىعان بايلانىستى كوپتەگەن ماسەلەلەر تۋىندادى. بۇل پروبلەما 1000 وقۋشىعا ارنالعان جاڭا كورپۋس اشىلعاننان كەيىن شەشىلىپ وتىر. وسىلايشا, مەكتەپ ەندى ءۇش اۋىسىمدى رەجيمدە جۇمىس ىستەمەيدى», دەدى ب.مومىش ۇلى اتىنداعى №53 مەكتەپ-ليتسەيىنىڭ ديرەكتورى ز.قيانوۆا.
مەكتەپتە ەكى اۋىسىمدا 950 بالا وقي الادى. عيماراتتا 90 كابينەت بار. ولاردىڭ ارقايسىسى تولىق جابدىقتالىپ, بالالار ءۇشىن قولايلى جاعدايلار جاسالعان. ەكى سپورت زالى, ەكى اسحانا, مەديتسينالىق كابينەت, حيميا, بيولوگيا, ينفورماتيكا, فيزيكا كابينەتتەرى جابدىقتالعان. سونداي-اق مەكتەپ اۋلاسىندا باسكەتبولعا, ۆولەيبولعا جانە فۋتبولعا ارنالعان سپورت الاڭدارى جاڭارتىلدى.
«2023 جىلى 12 مەكتەپتىڭ قۇرىلىسى جوسپارلانعان بولاتىن. قازىرگى ۋاقىتتا 8 مەكتەپ پايدالانۋعا بەرىلدى جانە كەلەسى اپتادا 4 مەكتەپ جۇمىس ىستەيتىن بولادى. ءۇشىنشى توقساننان باستاپ بارلىق 12 مەكتەپ پايدالانۋعا بەرىلىپ, وقۋشىلاردى قابىلداي باستايدى. بۇل مەكتەپتەردىڭ اشىلۋى ءۇش اۋىسىمدى مەكتەپتەردىڭ پروبلەماسىن شەشەدى. 2024-2025 جىلدارى قالاداعى وقۋشى سانى كوپ مەكتەپتەرىنىڭ پروبلەمالارىن شەشۋ جوسپارلانىپ وتىر. وسى ماقساتتا 88 مەكتەپ پەن 200 مىڭ وقۋشى ورنىن سالۋ جوسپارلانعان بولاتىن», دەدى استانا قالاسى ءبىلىم باسقارماسىنىڭ باسشىسى قاسىمحان سەنعازىەۆ.
