تيىمدىلىك ەكىنشى ەل ەسەبىنەن بولماۋى ءتيىس

ءماجىلىس توراعاسى ورال مۇحامەدجانوۆتىڭ جەتەكشىلىگىمەن سارسەنبى كۇنى وتكەن پالاتانىڭ كەزەكتى پلەنارلىق وتىرىسىنىڭ كۇن تاتىبىندە ون جەتى ماسەلە قارالسا, سونىڭ باسىم بولىگى كەدەن وداعىنىڭ كەلىسىمدەرى مەن حاتتامالارىن راتيفيكاتسيالاۋعا قاتىستى زاڭ جوبالارى بولدى. بۇل جولى دا دەپۋتاتتار اۋەلى ادەتتەگىسىنشە ساۋالدارىن جولداپ, كەلەسى كەزەكتە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعا­سى ۇسىنىپ, سپيكەر قولداۋ ءبىلدىر­گەن م.ساتقاليەۆتى اتالعان كوميتەت مۇشەلىگىنە 5 جىلعا تاعايىنداۋعا ءوز كەلىسىمدەرىن بەردى. ازاماتتاردى ۇستاۋ نەگىزدەرى مەن ءتارتىبىن بەكىتۋ ماسەلەلەرى بويىنشا كەيبىر زاڭنامالىق اكتىلەرگە ءوز­گەرىستەر مەن تولىقتىرۋلاردى قا­راس­تىراتىن زاڭ جوباسىنا دەپۋتات­تار ەرەكشە دەن قويدى. زاڭدىق قۇجاتتا كامەلەتكە تولماعانداردى ۋاقىتشا وقشاۋلاۋ, بەيىمدەۋ جانە وڭالتۋ ورتالىقتارىندا, وزگە دە ورىنداردا الكوگوليزمدى, ناشاقور­لىقتى جانە ۋىتقۇمارلىقتى ءماج­بۇرلەپ ەمدەۋگە ارنالعان مامان­دان­دىرىلعان ەمدەۋ-پروفيلاك­تيكالىق مەكەمەلەردە ادامداردى ۇستاۋ نە­گىزدەرى مەن ءتارتىبى قاراستىرىلعان. ۆلاديمير نەحوروشەۆ ەلىمىزدە رەسمي 55 مىڭ ناشاقوردىڭ تىركەۋدە ەكەنىن ايتا كەلىپ, ەسىرتكى زاتتارىن تۇتىنۋشىلاردى قىلمىستىق جازاعا تارتۋ جايىن ءسوز ەتتى. قازاقستان الكوگول ونىمدەرىن تۇتىنۋدان الەمدە 8-ورىندا ەكەندىگىن اشىنا جەتكىزدى. ياعني, ىشىمدىك ءىشۋ ءبىر قازاق­ستان­دىققا شاققاندا جىلىنا 12 ليتر­دەن كەلەدى ەكەن. بۇل – 22-ورىندا تۇرعان رەسەيدەگىگە قاراعاندا 1,5 ليترگە كوپ. اتالعان زاڭدىق قۇجات ءبىراز تالقىعا تۇسكەن سوڭ ءبىرىنشى وقىلىمدا ماقۇلداندى. بۇدان باسقا دەپۋتاتتار كەدەن وداعىنا قاتىستى زاڭ جوبالارىن تالقىعا سالعاندىعىن جوعارىدا ايتىپ وتتىك. ولار بويىنشا بايان­دا­مانى قارجى ءمينيسترى بولات جامىشەۆ جاسادى. كەلىسىمگە سايكەس ەلىمىز 7,33 پايىز, بەلورۋسسيا – 4,7, ال رەسەي 87,97 پايىز باج سالى­عىن بولىسكە سالاتىنى كوزدەلسە, بەلورۋس­سيا باس تارتقاننان كەيىن رەسەي 92 پايىز, ال قازاقستان 7,8 پايىزدىق ۇلەسكە يە بولاتىنى بەلگىلى بولىپ وتىر. وسىعان وراي كەنجەعالي سا­عاديەۆ قوعامدا ءبو­لىستىڭ قانشالىقتى ادىلەتتى وتكەن­دىگى تۋرالى كوپ ءسوز بولىپ جاتقان­دىعىن ايتا كەلىپ, وسى ساۋالدى قارجى مينيسترىنە باعىت­تادى. بولات بيداحمەت ۇلىنىڭ سوزىنە قاراعاندا, باج سالىعى كوپ بولعان سايىن ول قازاقستان ەكونوميكاسى­نىڭ مۇددەسىنە جاۋاپ بەرەدى. مى­سا­لى, 2009 جىلى ءۇش ەلدەن 17 ميل­ليارد دوللار باج سالىعى جي­نا­لىپتى. يمپورتتا قازاقستاندىق ۇلەس بار-جوعى 3,5 پايىزدىق ۇلەسكە قۇرىلسا, وداققا ەنىسىمەن ونىڭ كولە­مى 2 ەسە ارتادى ەكەن. ال قازىر بەلگىلى بولعانىنداي, قازاقستانعا كەلەتىن يمپورت كولەمى كەمىپ, ول رەسەيدە ارتا باستاعان. بىرەۋگە ءتيىم­دى رەجىم ەكىنشىنىڭ ەسەبىنەن بولا­تىنى قاپەرگە الىنىپ, بۇل ماسەلە ءالى الدا تالاي پىسىقتالاتىنى ايتىل­عان سوڭ, دەپۋتاتتار بارلىق زاڭ جوبالارىن قولداپ داۋىستارىن بەردى. اسقار تۇراپباي ۇلى.