ن.بەكەجانوۆ اتىنداعى وبلىستىق قازاق مۋزىكالىق اكادەميالىق دراما تەاترى ديرەكتورى مۇحتار نيازوۆ وسىنىڭ ءبارى كورەرمەن تالعامىن قالىپتاستىرۋ قادامى ەكەنىن ايتادى.
– جۋىردا عانا اقبەرەن ەلگەزەكتىڭ «بولماعان بالالىق شاق» پوۆەسى نەگىزىندەگى ازىرلەگەن قويىلىمىمىز انشلاگپەن ءوتتى. جالپى, وسى شىعارمانى وزەك ەتكەن سپەكتاكلدەر بۇعان دەيىن عابيت مۇسىرەپوۆ اتىنداعى جاستار تەاترىندا, ءازىربايجان مامبەتوۆ ەسىمىن يەلەنگەن استاناداعى تەاتردا قويىلعان بولاتىن. وڭىرلەر اراسىندا ءبىرىنشى رەت سىر ساحناسىنان كورىنىپ وتىر, – دەيدى مۇحتار نيازوۆ.
«بولماعان بالالىق شاقتىڭ» ءۇشىنشى قويىلىمىنا كەلگەن اۆتور اقبەرەن ەلگەزەك سپەكتاكل الدىندا باق وكىلدەرىمەن كەزدەستى. اۆتور-كەيىپكەر بۇيداسى جوق بالالىعىنىڭ وسى ەستەلىگى ارقىلى وزىمەن تاعدىرلاس بالالارعا جىگەر بەرەدى. ءبىر تاۋلىككە جەتپەيتىن ۋاقىت ارالىعىندا قاعازعا كوكىرەكتەن توگىلىپ تۇسكەن شىعارما نەگىزىندە الدا فيلم تۇسىرىلمەك.
كورەرمەندى ەكى ساعات ساحناعا بايلاپ قويعان قويىلىمنان كەيىن اۆتور كوپ الدىنا شىعىپ, الماتى مەن استانا تەاترلارىنان كەيىن وڭىرلەر اراسىندا ءبىرىنشى بوپ قويىلعان سىرداعى قويىلىمنىڭ كوڭىلدەن شىققانىن ايتتى. اكتەرلاردىڭ كاسىبي ويىندارىنا, رەجيسسەردىڭ ءساتتى شەشىمدەرىنە تانتىلىك تانىتتى.
قويىلىمنان كەيىن تەاتر فويەسىندە «بولماعان بالالىق شاق» كىتابى اۆتور قولتاڭباسىمەن وقىرماندارعا جول تارتتى.
قىزىلوردا
