وقىس وقيعا 18 جەلتوقسان كۇنى شامامەن ساعات 19:48-دە تىركەلگەن. قازا بولعان ستۋدەنت ەسكى عيمارات قۇلاعان كەزدە ەكى دوسىمەن ىشتە بولعان. 16 جانە 18 جاستاعى ەكى ازامات سىرتقا شىعىپ ۇلگەرگەن. ال ءۇشىنشى ستۋدەنت ءۇيىندى استىندا قالىپ قويعان. قۇتقارۋشىلار ونىڭ دەنەسىن 1,5 مەتر تەرەڭدىكتەن ساعات 22:30-دا الىپ شىقتى.
بۇل عيمارات كاسىپكەر توقتار تولەشوۆكە تيەسىلى بولعان. ۇزاق سوت پروتسەسىنەن كەيىن عيمارات 2023 جىلدىڭ 13 قاراشاسىندا مەملەكەت بالانسىنا وتكەن ەدى.
باسىلىم مالىمەتىنشە, عيماراتتىڭ توبە جابىندىسىنىڭ جارتىسى جوق بولعان, سونداي-اق مەتالل قۇرىلعىلار كەسىلگەن. بۇل عيماراتتى رەكونسترۋكتسيالاپ, جاستار سارايىنا اينالدىرۋ جوسپارلانعان ەدى.
